O Salto Galiza
O Salto triplica a súa audiencia e agasalla publicidade ás empresas da economía social e solidaria

Nos últimos meses, os datos de audiencia do noso medio foron aumentando até multiplicarse por tres. Estamos moi contentas, porque iso significa que a nosa familia medra e que cada día máis persoas confían n’O Salto para informarse (e entreterse tamén ;-)).

Cando che pasan cousas boas, que fas? Exacto! Dicirllo á xente á que queres. O Salto nunca foi un medio que se limite a contarche cousas. Tamén queremos actuar. Así que non só vos informamos, queremos partillar con vos esa capacidade que temos de chegar a máis persoas.

No último mes, estas son as cifras clave da nosa web:

Usuarios: 3.143.145
Sesións: 4.287.206
Páxinas vistas: 5.453.077
*Datos do 28 de marzo ao 28 de abril, proporcionados por Analytics e auditados por OJD.

Desde agora, estamos a prepararnos para voltar ás rúas. E nin as rúas nin O Salto serán o mesmo se non nos acompaña o resto da nosa familia, as entidades da economía aternativa, os proxectos sociais e solidarios.

Pensamos en como podemos aportar o noso gran de area para que os diferentes proxectos que viron paralizada a súa actividade nestes meses poidan volver ás rúas, á vez que velamos pola nosa propia sostibilidade. O apoio mutuo de toda a vida. E decidimos, finalmente, ofrecermos publicidade gratuíta.

A oferta concreta consiste en dous meses gratis de publicidade na nosa web, e outros dous meses coa publi a un 25% do seu prezo orixinal. Isto é, ofrecemos a oportunidade de anunciarse catro meses ao prezo de dous, e eses dous meses con desconto. E como sempre, dando facilidades de pagamento (podemos pospor a facturación até finais de agosto, para as entidades que prefiran facelo así).

Trátase dunha oferta especial temporal, totalmente limitada. Os anuncios serán reservados en orde de petición. Para máis información, envía un correo a: publicidad@elsaltodiario.com