Independentismo
A Audiencia Nacional desiste de xulgar membros de Causa Galiza por pertenza a Resistência Galega

Tras catro anos de investigación, o alto tribunal retira a acusación de pertenza a organización terrorista que pesaba sobre nove membros da formación política independentista Causa Galiza que seguen acusados de enaltecemento do terrorismo.

Causa Galiza
O 1 de xullo a Audiencia Nacional retirou definitivamente a acusación de pertencer á organización armada para nove membros de Causa Galiza. Foto: Causa Galiza
17 jul 2019 12:40

A Audiencia Nacional decidiu retirar a acusación de pertenza a organización terrorista que recaía sobre nove membros da formación política Causa Galiza, ós que a Garda Civil relacionaba con Resistência Galega, unha suposta banda armada que, porén, nunca contou unha vítima e que conta varios supostos membros en prisión. O alto tribunal mantén, así a todo, a acusación de enaltecemento do terrorismo contra estas nove persoas, ó igual que contra tres persoas máis militantes de Ceivar, organización á que tamén relaciona co terrorismo nacionalista galego.

A retirada dos cargos de pertenza chega catro anos despois de que fosen detidos na operación Jaro, que tivo lugar en outubro de 2015 e trala cal a Audiencia Nacional suspendeu cautelarmente as actividades de Causa Galiza, formación á que tachou de “brazo político” de Resistência Galega. Os detidos foron trasladados a Madrid, onde foron interrogados durante tres días por cuestións “políticas”, segundo sinala a O Salto Joám Peres. “Foi un interrogatorio político no que nos preguntaron, por exemplo, quen escribira o manifesto da nosa organización”, sinala Perez, que subliña a “impresionante cobertura nos medios” que estas detencións tiveron en Galiza, sobre todo por parte do xornal La Voz de Galicia, o de maior tirada na comunidade autónoma, que seguiu defendendo a tese da Garda Civil a pesar de que, en decembro de 2016, a Audiencia Nacional decidise levantar a suspensión cautelar das actividades de Causa Galiza.

“Cando levantan a suspensión de actividades, manteñen a iputación, e o único vínculo das persoas imputadas é que militaban na mesma organización, Causa Galiza, o que é incomprensible”, indica Peres, que lembra que a investigación da Audiencia Nacional incluíu tamén membros de BNG e Anova, que en pleno período electoral, o de 2015, foron citados a declarar. “Supuxo un certo custo político que organizacións como BNG e Anova, pequenos sindicatos... practicamente todo o país tomara posición en contra desta ilegalización de facto, pero decidiron manter o custo sobre as persoas directamente”, engade.

Entre as principais accións que a Audiencia Nacional achaca a Causa Galiza está a organización das actividades reivindicativas do Día da Patria Galega, que se celebra cada 25 de xullo, e o Día da Galiza Combatente, onde, segundo sinala o auto do Xulgado de Instrución número 6 da Audiencia Nacional, datado o 1 de xullo de 2019, “promoven o enaltecemento e xustificación do ideario da organización terrorista Resistência Galega”, que non é outro que a independencia de Galiza. Entre o material intervido pola Garda Civil, folletos nos que se len as frases “Liberdade presos políticos” ou “Defender a terra nom é delito”, carteis de Causa Galiza co lema “40 anos luitando contra o Regime” ou un manual de seguridade para activistas. Incluso se acusa a algúns dos membros de Causa Galiza de teren participado nun acto en homenaxe sobre os mártires de Carral, unha serie de militares galego que alá polo 1846 se levantaron contra o Goberno de Narváez e que foron executados o 26 de abril dese mesmo ano.

“Nos próximos días agardamos unha resolución, e posiblemente aproveiten o Día da Patria, o 25 de xullo, sobre se hai arquivo definitivo da causa ou se imos todos a xuízo por enaltecemento”, explica Peres, que data o comezo da persecución da contorna independentista galega en 2005, coa operación Castañeira, na que se interveu en varios centros sociais como parte dunha operación dirixida contra movementos sociais e activistas independentistas galegos. “Desde entón, a tese da Garda Civil é que hai unha suposta organización armada con brazos en medios, xuvenís e ata deportivos. Sacaron organigramas que son ridículos”, comenta Peres. Un organigrama no que, segundo engade o membro de Causa Galiza, entraría “absolutamente todo o que existe no país de resistencia e independentismo”. “É unha tese que equipara independentismo e loita armada”, conclúe.

Relacionadas

Colonialismo
Entrevista a Rubén Cela por Albert Botran
El pasado domingo 12 de julio se celebraron elecciones en Euskadi y Galicia. Para entender el ascenso del BNG en el contexto del independentismo gallego, Albert Botran habla con Rubén Cela, miembro de la Ejecutiva Nacional del BNG y presidente de la Fundación Galiza Sempre.
O prelo
Contra os estereotipos das mulleres migrantes

Fronte ao reforzamento colonial da representación da muller inmigrante como un ser  despersonalizado e homoxéneo, publícase un libro para visibilizar as condicións e os obstáculos das mulleres inmigrantes asentadas na Galiza.

1 Comentario
#37255 15:44 17/7/2019

Los grandes periódicos estatales silencian la exclusiva de ‘Público’ sobre el CNI y el imán de Ripoll

Responder
3
0

Destacadas

Laboral
Horas extra: nunca trabajamos más de más
Según los datos del segundo trimestre de la Encuesta de Población Activa de 2020, se han trabajado en España 7,2 millones de horas extraordinarias por semana, máximo de la serie histórica del registro. El 59%, 3,8 millones a la semana o 15,2 al mes, son horas extra no remuneradas.
Series
‘El colapso’, y sus críticos
¿Hubiera sido mejor o más interesante El colapso de habernos mostrado, pongamos por caso, cómo la aldea del cuarto episodio consigue convertirse en una comuna y puede funcionar con una relativa normalidad bajo un sistema asambleario?
Violencia machista
Confinamiento y violencia de género en La Rioja
Seguimiento integral de 446 casos de violencia de género, servicios de apoyo presencial cerrados y las llamadas para pedir ayuda aumentaron al triple.
Educación pública
Acordes y desacuerdos en los conservatorios de Andalucía
La decisión de la Junta de Andalucía de no contabilizar el tiempo de servicios prestados por muchos de los docentes de los conservatorios superiores dejará fuera este curso a profesorado cualificado y experimentado.
Plano Maestro
De Jujuy a Chengdu. Otro ladrillo en el muro

Un resumen visual de la actualidad mundial. Todo imagen, sin comentarios.