Feminismos
Denuncian “cousificación das mulleres” no American Pie Booomb

Un vídeo difundido por redes sociais desata a polémica sobre a deriva patriarcal dos espazos de lecer nocturno da xuventude. O evento American Pie Boomb, destinado a público universitario, no centro da polémica.


Captura vídeo American Pie Booomb
Captura de pantalla dun vídeo das festas de American Pie Booomb

publicado
2018-03-12 13:22

En 1999 estréase American Pie, unha comedia centrada na vida de catro estudantes que teñen por obxectivo perder a virxindade a toda costa antes de rematar o curso. O éxito deste filme fixo que fose o primeiro dunha saga que mantivo a liña de humor patriarcal do primeiro.

Ao redor desta temática, nos últimos anos comezáronse a realizar eventos por Europa. No Estado español e Portugal encárgase de organizalos unha empresa portuguesa: a American Pie Party, baixo o nome de American Pie Boomb. Este ano fíxose en Vigo o 9 de marzo, farase en Porto o 16 de marzo e en Lugo o 23 de marzo. Non se descartan futuras datas na súa xira polo España.

As entradas pódense adquirir por Ticketea, pero tamén as venden nas facultades a través das persoas que traballan de relacións públicas. A localización exacta do evento é secreta e revélase aos portadores de entrada por SMS durante a mañá do mesmo día no que se celebra o evento. A organización publica en Facebook e Instagram unha indumentaria “obrigatoria” (dress code), relacionada co filme, a elixir de entre varias opcións para acudir ao evento. No caso da festa de Porto ás rapazas danlles a elixir entre colexiala, animadora (cheerleader), nerd, profesora sexy, mascota de fútbol americano ou xogadora de béisbol sexy; por outra banda, aos rapaces danlles a elixir entre xogador de fútbol americano, mascota de fútbol americano, geek e xogador de lacrosse.

AS DENUNCIAS

Unha das atraccións que ofrece este evento é un espectáculo con strippers, tanto homes como mulleres. Sen embargo, as relacións de poder entre os rapaces asistentes e as strippers (na súa vertente máis cousificante) invértense cando se trata das rapazas asistentes e os strippers masculinos. Neste senso, foi moi difundido por redes sociais un vídeo no que aparentemente unha rapaza lle facía unha felación a un stripper. Algunhas das mulleres asistentes denunciaron a posibilidade de que o stripper estivese aproveitándose do posible estado de ebriedade da rapaza. Este feito foi comunicado aos organizadores do evento, así como a The Community, encargada da xestión deste evento en Vigo. A resposta de American Pie Party foi protectora cara o stripper, de bloqueo ou de ignorar á denunciante, de rirse dela ou incluso, segundo se publicou en redes sociais, de ameaza de denuncia por difamación. Ao día seguinte, e tras recibir numerosas críticas, o persoal de The Community e unha conta oficial de Instagram informaron de que se contactara á rapaza que saía no vídeo e corroboraron que se tratou dunha simulación e que non se producira tal abuso, algo que tamén foi confirmado pola conta que inicialmente o denunciara. Esta mesma conta denunciou a asistencia de menores ao evento, algo que tamén aseguraron outras fontes.

Captura vídeo American Pie Booomb_2
Captura de pantalla dun vídeo das festas de American Pie Booomb
Porén, as dinámicas de poder particularmente nestes espazos seguen a ser cuestionadas. Unha asistente ao evento, que prefire manterse no anonimato, relata que aínda que se "facía unha idea da temática do evento", descoñecía ao que se ía enfrontar: homes que ían ao baño de mulleres como unha forma de amosar quen mandaba, acoso verbal, risas ante calquera recriminación á súa actitude e incluso agresións sexuais. “Tiven que aturar homes toda a noite que se aproveitaban de que había moita xente na pista de baile para tocarme o cu”, conta. “O peor da noite foi cando un home se sentiu coa liberdade de agarrarme da vaxina. Supostamente había xente para vixiar que non pasaba nada malo pero en ningún destes casos vimos a ninguén facendo nada”.

“Non se trata de desatar unha guerra contra a American Pie Party de xeito particular, senón de comprender e transformar uns patróns de funcionamento sociais cos que non debemos ser transixentes” apuntan desde os sectores denunciantes.

Relacionadas

Masculinidades
Porque otro hombre es posible

Es imprescindible nuestro cambio, el de los hombres, abandonar al ser agresivo y dominante que nos habita y dar paso a nuestro lado femenino, ese que llevamos dentro y que tanto reprimimos.

Brasil
Miles de mujeres indígenas marchan en Brasil por la defensa de la Amazonia

Mujeres de más de 130 pueblos originarios se unieron en Brasilia en la Primera Marcha de Mujeres Indígenas. Alertan sobre la amenaza para el medio ambiente que suponen las políticas desarrollistas del gobierno de Bolsonaro.

Franquismo
As dúas Marías na loucura franquista
As dúas irmás de Compostela retaron o Franquismo con cor e alegría. Chamáronas “tolas”, pero a tolería estaba ao seu redor.
0 Comentarios

Destacadas

Industria farmacéutica
Más de 500 medicamentos con problemas de suministro en España

El desabastecimiento de medicamentos en España ya supone más que una alerta farmacéutica. Son cientos de historias de pacientes sin su tratamiento.

Economía
Impuestos a la carne y al plástico: los impuestos Pigouvianos

Debido a la crisis climática, muchos países ya se plantean poner impuestos a la carne o a los plásticos. Estos impuestos, cuyo coste recae directamente en el consumidor, se llaman impuestos Pigouvianos.

Aporofobia
El doble filo para esconder el racismo

El rechazo a las personas migrantes rescatadas en el mar tiene un componente aporófobo desde nuestra mentalidad capitalista porque se considera que estas personas no van a poder aportar algo útil a la sociedad, pero este rechazo no deja de ser también racista, xenófobo, islamófobo y machista.

Tenemos que hablar
Hacer el agosto

A veces parece que agosto es un mes de saldo y esquina, de periódicos delgados sin noticias, de columnistas escribiendo sobre sus vacaciones en Benidorm. Es como si el mundo se parara.