O prelo
Carriandola: As abraiantes aventuras de Mariña

Galicia sobrevive a unha devastadora crise enerxética e unha nena é responsable de evitar que un novo réxime ostente o único xerador de enerxía no país. Carriandola As Abraiantes aventuras de Mariña  relata unha historia de ciencia ficción que amosa unha Galicia que apenas subsiste nun escenario  dunha recesión sen precedentes. Trátase dunha pequena novela gráfica dedicada á mocidade, que describe unha forma de percorrer a xeografía galega e que recupera o sentido da aventura e a acción de certa tradición da banda deseñada. 

Os espazos relatados nesta novela gráfica son unha aproximación xeral a un futuro carente de enerxía eléctrica. Aquí os personaxes apenas son capaces de vivir en condicións de empobrecemento e precisan da cooperación directa. As ilustracións suxiren un tipo de nova idade media na que se empregan solucións rudimentarias a problemas da vida diaria. 

Con todo, a ciencia ficción de Aloysus e Blanco garda tamén unha relación coa nosa historia: permítenos ollar o noso presente a través dunha proxección do futuro. O texto alude a espazos que son ben coñecido en Galicia e que son visitados no marco dunha hipotética crise enerxética. Neles, cunha observación atenta das imaxes é posible descubrir os xeitos en que a xente afronta a realidade posapocalíptica desde as súas formas de vida ben coñecida na nosa actualidade.   Consérvase o ethos propio do país na resolución dun escenario catastrófico. 

O mesmo se pode dicir de aqueles xestos sutís que nos conectan cos problemas dos nosos tempos contemporáneos: o hospital de Verín onde naceu a nosa protagonista ou o debate pola la explotación enerxética do territorio. Hai entón na ciencia ficción de Aloysus un recordatorio constante da nosa vida pública.

Algo similar sucede coa recuperación da inventiva científica para falar do problema da apropiación da produción enerxética. Na tradición da física renacentista, conservouse a idea de imaxinar un artefacto capaz de producir a mesma  enerxía que o mantén operando. De tal xeito que apenas precise dun primeiro impulso para continuar co seu funcionamento indefinidamente. Tal aparello leva o nome xenérico de perpetuum mobile e é apenas una exercicio imaxinario que resulta irrealizable. É un artefacto ideado no imaxinación científico, que supoñería unha ambición maior: romper coas leis da termodinámica e producir enerxía constante por tempo ilimitado.

Carriandola recupera o artefacto imaxinado na historia da física e convérteo nunha ferramenta vital para os tempos de crise. A imaxinaría científica é nesta historia un obxecto de liberación, pero tamén de capitalización  pola clases acomodadas. Trátase dun debate relacionado coa acumulación do poder enerxético a través dun aparello capaz de producir a súa propia forza. Xa que logo, As abriantes aventuras de Mariña recollen un obxecto imaxinario para depositalo no debate polo poder e a crise. 

As abraiantes aventuras de Mariña é tamén unha épica no sentido máis amplo: fala dunha pequena que posúe unha singular a capacidade que lle permitiría orientar o destino da súa comunidade.  Entón, ela decide iniciar unha aventura incerta na que terá que se valer do seu sentido da xustiza. 

Mariña é entón un personaxe predestinado no sentido máis tradicional da aventura iniciática: loita por aquilo que lle foi atribuído, pero tamén está destinada a descubrir quen é.  Así o relato nútrese dunha longa tradición de heroes e heroínas que inician unha viaxe cara a fora, pero tamén cara a dentro. 

Nese mesmo sentido, o texto e as imaxes aliméntanse de grandes momentos de tensión e de acción. Tal e como sucede en bandas deseñadas relacionadas con súper heroes: grandes actos de valentía, sorpresas inesperadas e explosións. 

O guión é unha proposta Luís Carreira Aloysus e as ilustracións estiveron a cargo de Simón Blanco. A publicación, a cargo de editorial Aira, foi presentado no marco do Xacobeo 2021 e ofrece tamén unha lectura que outorga visibilidade ao chamado Camiño Mozárabe. Unha observación atenta dos espazos onde sucede a historia amosan unha traxectoria de peregrinación.