Ocupación israelí
A Policía desaloxa o alumnado acampado no Reitorado e na Facultade de Historia da USC

O alumnado da Universidade de Santiago de Compostela (USC) que se está mobilizando para denunciar o masacre israelí en Gaza e visibilizar o seu apoio á causa palestina foi reprimido a primeira hora deste mércores, cando máis dunha decena de furgóns policiais chegaron á Facultade de Historia e o Reitorado para desaloxar as persoas que estaban acampadas ou pechadas nestas instalacións públicas.

Pechamento estudantil no Reitorado da USC para esixir que se aproben as reivindicacións propalestinas

O Salto Galiza

Ocupación israelí

Ocupación israelí Pechamento estudantil no Reitorado da USC para esixir que se aproben as reivindicacións propalestinas

O Salto Galiza

O alumnado desafía a represión policial cunha acción de protesta espontánea despois de que o reitor e os demais membros do Consello de Goberno rexeitasen as súas esixencias para romper relacións con universidades israelíes

Segundo un portavoz da asemblea de estudantes propalestina, “cando os axentes de policía entraron da Facultade de Historia había cinco persoas durmindo” e o desaloxo foi tan violento que “unha rapaza tivo que ir ao hospital tras recibir unha patada”.

Estudantes de Santiago de Compostela arrincan a primeira acampada galega en solidariedade con Palestina

O Salto Galiza

1

Ocupación israelí

Xenocidio Estudantes de Santiago de Compostela arrincan a primeira acampada galega en solidariedade con Palestina

O Salto Galiza

1

Varias ducias de alumnos e alumnas universitarias concéntranse desde o martes na Facultade de Historia da USC na capital galega para protestar contra o xenocidio cometido polo Estado israelí.

O alumnado non recibiu ningún tipo de aviso de desaloxo. No Reitorado, ocupado desde o luns en protesta pola inacción do Consello de Goberno da USC respecto da causa palestina, tiñan previsto permitir a entrada das traballadoras despois dun martes no que si se impediu o funcionamento normal do Colexio de San Xerome á espera de negociar coas autoridades universitarias o cumprimento das súas esixencias, anunciadas a semana pasada nun documento que incluía 17 medidas concretas. Entre estas reivindicacións, as máis significativas son que a USC rompa relacións con institucións educativas israelíes e con empresas que, malia non teren sede no denominado Estado hebreo, si participan en negocios armamentísticos que benefician os intereses israelíes. Alén disto, a asemblea de estudantes propalestina tamén esixe máis transparencia e representación no proceso de toma de decisións que se está desenvolvendo na universidade. “Soamente contan con persoas da estrutura interna da universidade que nin sequera son técnicas nesta materia; deberían contar con persoas palestinas expertas e actuar con máis transparencia”, sinala un dos portavoces da acampaña desaloxada.

Durante a mañá deste mércores, o alumnado mobilizouse por espazos emblemáticos da capital galega para solidarizarse coa acampada.