Sanidad pública
O contrato do Sergas con Medtronic pon en perigo os pacientes e o sistema

Nuñez Feijoo está privatizando os servizos e recursos máis importantes, influentes e avanzados do SERGAS. Non só puxo en mans de multinacionais farmacéuticas e fondos de inversión as Fundacións de Investigación dos hospitais públicos, senón que cedeu os servizos de cardioloxía de tres dos hospitais públicos máis importantes —Santiago, A Coruña e Lugo— á multinacional norteamericana MEDTRONIC, mediante un contrato que agocha os principais termos do mesmo para ocultar os grandes beneficios e vantaxes que obtén a multinacional.

Quen é MEDTRONIC e a que se dedica?

MEDTRONIC é unha empresa estadounidense, con ramificacións en todo o mundo (155 países e cun beneficio de 93.000 millóns de euros anuais), que deseña, experimenta e vende dispositivos sanitarios como marcapasos, aparatos para a dor ou bombas de insulina.

Colapso na sanidade pública galega

Elena Martín Pablo Santiago

1

Sanidad pública

Colapso na sanidade pública galega

Elena Martín ,  Pablo Santiago

1

O colapso na atención primaria e nas urxencias son o resultado dunha privatización implacábel que favorece o lucro de xigantes empresariais como Medtronic.

Como funciona?

Basea a súa estratexia nunha grande agresividade empresarial estafando ás autoridades de saúde dos países nos que opera, e vulnerando as leis do mercado e a competencia. Suborna a médicos, xestores de servizos e centros para que adquiran os seus aparatos promovendo e pagando charlas e congresos, regalando equipamento, financiando investigacións, viaxes ou ceas de luxo. Esta forma de actuar supúxolle numerosas demandas e fallos xudiciais, tanto nos Estados Unidos como no resto do mundo; para evitar unha condena pactou un acordo co Departamento de Saúde e Servizos Sociais de Estados Unidos en outubro do 2008 no que recoñecía estas prácticas. Todo isto debería xerar unha gran preocupación nos hospitais onde está instalado MEDTRONIC —como é o caso do SERGAS— dados os numerosos casos de corrupción dos últimos anos que afectaron a autoridades do noso país, e ao elevado número de xefes de servizo que compatibilizan a dedicación pública coa privada con importantes conflitos de interese.

Cales son os seus principais obxectivos?

Controlar a área do corazón destes centros dado que o contrato contempla que persoal desta multinacional forme parte dos órganos de goberno de cada hospital e deste servizo. Tamén, introducir a xestión empresarial privada en centros públicos, acceder a toda a información de saúde dos pacientes e do funcionamento e custos dos hospitais (algo fundamental para identificar áreas de novos negocios no futuro) e experimentar cos aparatos —testar segundo o contrato— nos pacientes galegos, utilizando ao persoal, as instalacións, o equipamento e os recursos diagnósticos dos tres centros. Aparatos que posteriormente MEDTRONIC vende en todo o mundo.

Segundo os incidentes rexistrados polos organismos reguladores de Estados Unidos, os produtos fabricados por esta empresa están relacionados coa morte de 9.300 persoas e coas lesións a outras 292.000

Agora, MEDTRONIC está a desenvolver novas áreas de negocio que contan co apoio de Feijoo. Desde o ano 2006 pretende ademais xestionar servizos de cardioloxía, supervisar o equipamento tecnolóxico, realizar actividades de consultaría para administracións e centros —co obxectivo declarado de apropiarse da enfermidade a nivel mundial—. Nesta estratexia atopou un firme aliado e socio na persoa de Núñez Feijoo que para isto mudou recentemente a Lei Galega de Saúde coa que puxo os recursos do SERGAS ao servizo do desenvolvemento empresarial privado, poñendo no mesmo a estratexia de Investigación, desenvolvemento e Innovación (I+D+I) de saúde en Galiza. Todo isto tendo en conta que aínda que MEDTRONIC instale nos hospitais públicos un TAC ou unha RNM para realizar os seus experimentos, estes só poderán ser utilizados pola multinacional para desenvolver as súas investigacións, negando o acceso aos mesmos ao resto de servizos.

Aínda que MEDTRONIC instale nos hospitais públicos un TAC ou unha RNM para realizar os seus experimentos, estes só poderán ser utilizados pola multinacional para as súas investigacións, negando o acceso aos mesmos ao resto de servizos.

MEDTRONIC pretende agora acabar cos sistemas sanitarios públicos para desenvolver o seu negocio (apropiarse da enfermidade e vender os seus produtos). O Diretor Executivo desta multinacional, Omar Ishrak, estivo un ano enteiro viaxando a países de todo o mundo, reuníndose con políticos, empresas sanitarias e profesionais, para trasladar a mensaxe de que os Sistemas Sanitarios Públicos son ineficientes, moi custosos e precisan unha reorganización urxente. En Galiza temos suficientes mostras de que esta mensaxe convenceu por completo ao Sr.Feijoo que se comporta como un alumno entusiasta desta doutrina que está a aplicar á sanidade galega. O 'lobby' empresarial do que forma parte MEDTRONIC pretende a medio prazo un novo modelo sanitario integral baseado no oligopolio privado como único proveedor de aparatos e da xestión de servizos nos hospitais, iso si, financiados con fondos públicos.

Un contrato que supón un perigo para a saúde da poboación

Segundo o informe The Implants List elaborado e publicado por un Consorcio Internacional de Xornalistas de Investigación no que participaron 258 xornalistas de 58 medios e 36 países, os aparatos investigados e comercializados por MEDTRONIC —como marcapasos, respiradores artificiais, estimuladores dos músculos do estómago, próteses de mama, bombas de insulina para controlar a diabetes, válvulas cardíacas ou implantes lumbares para as dores de columna— supuxeron un importante dano para a saúde dos pacientes por ser defectuosos ou non estar o suficientemente probados antes da súa implantación. Entre os anos 2008 e 2017, segundo os incidentes rexistrados polos organismos reguladores de Estados Unidos, os produtos fabricados por esta empresa están relacionados coa morte de 9.300 persoas e coas lesións a outras 292.000. As bombas de insulina causaron 1.800 mortes e 96.000 lesións e os implantes para controlar a dor crónica con 800 mortes e 35.000 lesións. Como consecuencia, as reclamacións pagadas por MEDTRONIC para facer fronte ás querelas e denuncias de máis de 20.000 pacientes afectados alcanzaron durante ese período os 6.700 millóns de dólares pero, como as súas ganancias ascenderon a 34.000 millóns, mereceulle a pena correr o risco.

Fernando Abraldes: “A austeridade na saúde susténtase a costa dos dereitos fundamentais das persoas”

Elena Martín Pablo Santiago

1

Sanidad pública

Fernando Abraldes: “A austeridade na saúde susténtase a costa dos dereitos fundamentais das persoas”

Elena Martín ,  Pablo Santiago

1

Falamos coa Asociación de Pacientes e Usuarios do CHUS, a propósito dun novo falecemento nos corredores de acceso, do colapso estrutural nos servizos de urxencias e da pasividade e da “burla” do Sergas e da Xunta

Dada a importancia desta privatización que afecta a un dos servizos máis importantes e influentes para o sistema e para a saúde da poboación, parece necesario: Coñecer na súa totalidade as condicións do contrato, realizar unha auditoría e posteriormente un seguimento continuado polas autoridades do SERGAS, da actividade da empresa, dos resultados para a saúde e das súas repercusións sobre o funcionamento dos tres hospitais, e estudar a forma de denunciar o contrato e recuperar o control da área do corazón, dados os potenciais riscos do mesmo.