A cidade das avelaíñas: un millón de euros en luces en Vigo para agochar as carencias do goberno de Caballero

O 12 de setembro, nun vídeo viral, o alcalde de Vigo Abel Caballero, anunciaba que este ano o nadal da cidade sería o máis iluminado da historia. Dez días antes de rematar o verán comezaba a instalación dun millón de luces led. Vigo, segundo Caballero, competiría con cidades como Nova Iorque ou Tokyo, e a súa iluminación mesmo podería ser visualizada desde o espazo exterior.

Asamblea por un Vigo + Social
Rolda de prensa do venres 23 de novembro da Asemblea por un Vigo + Social. Foto: Aaron Díez

publicado
2018-11-24 12:30:00

Este sábado 24 de novembro, nun acto que se agarda como multitudinario, encenderase o alumeado de nadal anunciado. O custo para as arcas municipais será de perto dun millón de euros. Ademais o contrato asinado polo Concello de Vigo para este ano, compromete á cidade para os vindeiros catro anos coa mesma exhibición lumínica e cun custo de máis de 4 millóns de euros.

Fronte a isto, e cuestionando as bondades deste gasto municipal, nace a campaña “Alumeando a miseria” que lanzou o venres 23 de novembro a Asemblea por un Vigo + Social. Este conxunto de colectivos e persoas leva varios meses de asembleas e xuntanzas, para artellar unha resposta conxunta ao escaso gasto en políticas sociais do concello: fronte ao millón de euros do alumeado de nadal, hai case 18.000 familias que sofren a pobreza enerxética.

Pobreza
Máis de ano e medio de acampada en busca dun teito
Representantes de diversos colectivos esixen ao Concello de Vigo melloras na administración dos albergues.
Falamos con Esther Lora, da Asemblea por un Vigo + Social, que salienta que “para o mesmo período de dous meses das luces o albergue municipal ten unha partida orzamentaria de 139.000 euros; destínanse 160.000 euros para axudas extraordinarias a familias sen recursos; a teleasistencia para maiores recibe 12.000; uns 50.000 euros están destinados para o pagamento de facturas eléctricas; 77.000 euros para as axudas de emerxencia para alimentos e produtos básicos. E así máis cifras vergoñentas que dan conta da diferencia nas partidas orzamentarias e a desigualdade e dilapidación dos cartos de todas. Isto é o que criticamos con esta campaña”.

Denuncian un modelo de cidade no que só teñen cabida as persoas con capacidade de participar no consumismo de Nadal

“Esiximos, un ano máis, que se priorice a vida, a xustiza social e as necesidades das persoas por riba das banalidades, os adornos e os intereses privados. A resposta do Concello aos nosos problemas parece ser que alimentemos as nosas familias con paquetes multicores, que combatamos o frío nos pisos –que apenas podemos pagar– con ducias de luces e grilandas, e convertamos en felicitacións de Nadal as facturas impagadas que acumulamos” denuncia Lora.

Ademais, critican o modelo de cidade polo que se aposta desde este goberno, “un modelo de cidade escaparate, fermosa pero pouco humana, unha sorte de grande parque de atraccións para turistas. Un modelo de cidade, no que só teñen cabida as persoas con capacidade de participar no consumismo de Nadal: mentres as empobrecidas continuamos a ficar excluídas”.

Alumeando a miseria
Unha das imaxes que está a difundir a Asemblea por un Vigo + Social
Outras cuestións abordadas nesta campaña son a pobreza enerxética, a contaminación lumínica, a falta de políticas para o alugueiro de vivendas ou o escaso orzamento para cultura. Súmase a isto unha crítica á falta de axudas sociais debido “á suposta insuficiencia de orzamento por parte do Concello, mentres este paga millóns de euros en indemnizacións a grandes empresas privadas: como as concedidas aos aparcadoiros subterráneos ou ao ruinoso auditorio Mar de Vigo”.

Seis cartaces con textos de seis temáticas dan forma a esta acción que xa comezou a espallarse polas redes: pobreza enerxética, pobreza en xeral, vivenda, cultura, xentrificación e axudas sociais. No mes de decembro realizarase un “roteiro da vergoña” paseando polo centro de Vigo, contrapoñendo o gasto coas necesidades que están sen cubrir. En colaboración con Galiza Contrainfo editarase un vídeo de denuncia e difusión, para deste xeito visibilizar que “non todas estamos de acordo co que está pasando, queremos que se escoite e que a luz estea do lado das necesidades da xente”.

Este sábado Caballero prenderá as luces de nadal, mais pode que con isto fixera posíbel que xurda a faísca de algo máis en Vigo

Ao mesmo tempo xurdiu outra iniciativa na cidade de Vigo. Esta vén a denunciar a falta de políticas culturais na cidade, de transparencia na súa xestión e participación, e mesmo a falta de democracia. Asi, fronte a Abel Caballero, nace CAIN (Colectivo de Admiradores da Iluminación de Nadal). Este proxecto deuse a coñecer na semana previa a un encontro no IES Politécnico de Vigo o 16 de novembro, no que a Agrupación Amig@s do MARCO, o Ateneo Atlántico, AColectiva, o propio CAÍN e o Instituto Galego de Praxe Actual, en colaboración con Espazo Cubo, convocaron a asociacións, colectivos sociais e ao conxunto da cidadanía a un Encontro pola Cultura. Durante máis de catro horas debateuse sobre a situación dos equipamentos e da xestión cultural, a realidade do urbanismo e patrimonio, e as políticas relacionadas coa imaxe da cidade e a súa identidade, nun auditorio ateigado de xente, ideas e malestar.

Na creación desta comunidade cultural e de reivindicación está tamén a crítica ao gasto excesivo na iluminación. Denuncian tamén que este debate e a actuación do alcalde pretende agochar cuestións “máis escuras” como o accidente do Marisquiño, os conflitos e folgas coas empresas concesionarias de servizos municipais, o rescate do Auditorio Mar de Vigo ou a acampada contra a pobreza e as mobilizacións que denuncian a falta de políticas sociais para loitar contra a exclusión social.

“Este sábado Caballero prenderá as luces de nadal, mais pode que con isto fixera posíbel que xurda a faísca de algo máis en Vigo”, finaliza Esther Lora, da Asemblea por un Vigo + Social.

Relacionadas

Caribe
¿Por qué se ha levantado Haití una vez más?
3

Las masas haitianas han movilizado una nueva oleada de protestas contra el gobierno corrupto del presidente Jovenel Moïse.

Sanidad pública
Atención primaria: el enemigo a las puertas de la sanidad pública

¿Tres minutos para que el médico de cabecera escuche tu problema, lo diagnostique y apunte una posible solución? Parece una locura, pero es lo que está comenzando a ocurrir en muchos servicios de atención primaria. Profesionales y pacientes se rebelan frente a los recortes que están afectando de forma especial a la base de la sanidad pública española.

Granada
Granada: la ciudad que queremos
“He visto entregada esta tierra a aventureros de la política, a advenedizos que hacen de ella asiento de su cretina vanidad y base de su mezquino interés..." (Blas Infante)
0 Comentarios

Destacadas

Municipalismo
Las compras de tu ayuntamiento pueden ser feministas

Las licitaciones y compras por parte de las administraciones públicas pueden ser una herramienta efectiva para luchar contra la desigualdad de género y el machismo. Los ayuntamientos están jugando un papel muy importante en esa lucha, pese a las reticencias no solo de las empresas, sino también internas.

Vivienda
El movimiento por la vivienda consigue la primera multa por acoso inmobiliario

Con esta medida sin precedentes, el Ayuntamiento de Barcelona aplica por primera vez la ley de vivienda de 2007 que permite multar a la propiedad por acoso inmobiliario. Una “gran noticia” para el movimiento por la vivienda que ha impulsado el caso.

Feminismos
Sara Ahmed: “La felicidad es una técnica para dirigir a las personas”

Sara Ahmed, escritora feminista y académica independiente, lleva años investigando los mecanismos institucionales que dificultan e impiden que las quejas por sexismo, racismo o acoso sean escuchadas y atendidas.

Opinión
No desistir

Hay tantas y tantos a punto de bajar la guardia... ¿Rendirse? Eso sería demasiado poético.

Eléctricas
Usagre, capital europea de la energía solar

La Transición Energética en Extremadura marca como primer hito la planta fotovoltaica de Iberdrola en Usagre, la que será la instalación de energía solar más grande de Europa. Algunos especialistas consultados, sin embargo, mantienen serias objeciones al modelo implementado de transformación hacia energías limpias. 

Últimas

Maltrato animal
Animalistas protestan contra la ‘McCrueldad’
La asociación animalista Igualdad Animal protesta frente a un restaurante McDonalds en el Día Mundial Sin Carne.
Extremadura
El 25 de Marzo de este año llegará hasta Madrid
La acciones centrales de este año se trasladan de Mérida a Badajoz, adelantando la jornada reivindicativa al sábado día 23 para facilitar la participación ciudadana en los actos.
Huelga feminista
Tras el ocho de marzo, ¿los hombres qué?
3

El papel asignado a los hombres el día de la huelga debiera ser el que asumiéramos todos los días del año. Que el grito de ese día nos retumbe durante todo el año en los tímpanos es lo deseable. Porque ante el machismo largamente interiorizado nuestra vacuna debe ser diaria.

Tribuna
Por una política de la vida cotidiana
Que la entrada en esto de la política institucional tiene un punto de no retorno creo que es algo que no se le escapa a nadie a estas alturas. Ahora bien, caer en que las personas que han ocupado determinados cargos públicos son insustituibles es un error que no deberíamos cometer.