O Salto Galiza
Remata a serie de 8 encontros virtuais Capital VS Vida

A Central Unitaria de Traballadoras organizou durante estas semanas de confinamento unha serie de 8 encontros virtuais baixo o lema Capital VS Vida, coa colaboración do Novas da Galiza, Nós Televisión, Galiza Contrainfo e O Salto Galiza.

Ultimo encontro Capital VS Vida
1 may 2020 10:00

Hoxe, no 1º de maio, ás 18 horas teremos o derradeiro dos 8 encontros virtuais Capital Vs Vida realizado pola Central Unitaria de Traballadoras coa colaboración dunha serie de medios galegos. Onde falaremos sobre como ocupar as rúas para que gañe, finalmente, a vida. Participarán Ricardo Castro (Secretario Xeral da CUT), Bernardo Máiz (historiador), Benet Salellas (avogado do Procés) e Arantxa Vázquez (responsábel de políticas transversais de LAB). Modera Raquel Lema, responsábel de comunicación da CUT. Lembra que podes seguilo na páxina de facebook da CUT.

No primeiro encontro, celebrado o pasado venres 3 de abril, abordouse a situación dos coidados no marco da crise da COVID-19. Participaron Aurora Magán, de Enfermeiras en Loita; Rosario Iglesias Requeijo, traballadora nunha residencia privada; e Eli Dosil do sindicato PROSAGAP. Moderou o debate a nosa compañeira Elena Martín do Salto Galiza.

No segundo encontro, que tivo lugar o mercores 8 de abril, conversamos sobre o papel dos medios de comunicación galegos no marco da crise da COVID-19. Participaron Ana Viqueira, de Nós Televisión; Charo Lopes, do Novas da Galiza; David Lombao, de Praza Pública; Xesús Piñeiro, de Nós Diario e Pablo Santiago, do Salto Galiza. O encontro foi moderado pola xornalista Alexandra Pacheco.

Pola súa banda, no terceiro encontro, celebrado o venres 10 de abril, abordamos a situación das traballadoras culturais na crise do COVID-19. Desta vez falamos con: Mónica Camaño (actríz), Arxemiro Branco (libreiro), Leo Matamá (músico) e moderou a conversa Ana Salgado.

Nun cuarto encontro, realizado o mércores 15 de abril, abordamos a situación do traballo doméstico no marco da crise da COVID-19. Participaron na conversa Maruchi Álvarez (coidadora informal), María José López (Sindicato PIT-CNT Uruguai) e Juana Chumpitaz (traballadora do fogar) e moderou o debate Andrea de Francisco.

O quinto dos encontros virtuais realizouse o venres 17 de abril e levou por título: “Autodefensa legal fronte ao estado de excepción” e contou coa participación de Sandra Garrido (A Sensu Contrario), Natxo Parra (Col·lectiu Ronda), Erlantz Ibarrondo (avogado de Solidaridad Obrera e MMSS) e moderou David Soto, profesor de dereito penal na UDC e membro de Esculca.

Na semana seguinte, o mércores 22 de abril, falamos das situación das traballadoras eventuais do emprego público. Contamos coa participaron de Alicia Castro, Enfermeiras Eventuais en Loita; Andrea Estévez, profesora USDG - CUT e Carmen Pereira, auxiliar técnica educativa. Moderando estivo Pilar Aymara, de Rosalía TV.

O venres 24 abordamos como se afronta esta crise e que alternativas están poñendo sobre a mesa os feminismos, e contamos coa participación de Daniela Ferrández, de Amizando; Lola Ferreiro Díaz, psiquiatra e feminista; Kenia García, traballadora sexual e Sonya Mendes, de SOS Racismo e Afrogalegas. Pola súa banda, a conversa foi moderada por Charo Lopes, do Novas da Galiza.

Finalmente, no seguinte encontro virtual Capital Vs Vida, celebrado o mércores 29 preparámonos para o 1º de maio falando sobre internacionalismo proletario e aprendendo das experiencias do sindicalismo doutros pobos con João Barreiros (CGTP-IN, Portugal), Guido Lutrario (USB, Italia) e Koldo Sáenz (LAB, Euskal Herria). Moderou o encontro Maria Álvares, do Novas da Galiza.

Agardamos ter aportado visións e alternativas nestes tempos de incerteza para construír un futuro con maior xustiza social na nosa terra e no conxunto dos países.

0 Comentarios

Destacadas

Industria armamentística
Disparando dólares: cuando la paz no sale a cuenta

Andrew Feinstein trabajó para el primer gobierno democrático de Sudáfrica. Cuando descubrió la corrupción que se escondía en el negocio de compraventa de armas, tuvo que abandonar el país. Autor de 'The Shadow World', donde entrevista a varias traficantes de armas, este ex político se ha dedicado a seguir el rastro de los señores de la guerra y los estados que les cobijan.

Corrupción
Juan Carlos I sigue la tradición familiar y anuncia que se va de España

El monarca emérito comunica a su sucesor que abandona el país para facilitar a Felipe VI el ejercicio de sus funciones.

Laboral
Horas extra: nunca trabajamos más de más
Según los datos del segundo trimestre de la Encuesta de Población Activa de 2020, se han trabajado en España 7,2 millones de horas extraordinarias por semana, máximo de la serie histórica del registro. El 59%, 3,8 millones a la semana o 15,2 al mes, son horas extra no remuneradas.
Violencia machista
Confinamiento y violencia de género en La Rioja
Seguimiento integral de 446 casos de violencia de género, servicios de apoyo presencial cerrados y las llamadas para pedir ayuda aumentaron al triple.
Educación pública
Acordes y desacuerdos en los conservatorios de Andalucía
La decisión de la Junta de Andalucía de no contabilizar el tiempo de servicios prestados por muchos de los docentes de los conservatorios superiores dejará fuera este curso a profesorado cualificado y experimentado.
Plano Maestro
De Jujuy a Chengdu. Otro ladrillo en el muro

Un resumen visual de la actualidad mundial. Todo imagen, sin comentarios.