Sanfermines
Ezjaiak

Ekaina heltzearekin batera auzo, herri zein hirietako festa garaia hasten da eta honekin batera, ohikoa zaiguna edo ohikoa dena pentsatu duguna: alkohola, ohiturak, kalean egoteko modu berezi bat. Jaiak edo ospakizun egun hauek tradizioaren eta kontsumoaren arteko nahasketa berezia dira: santuen zentraltasuna edo zezenen presentzia turbokapitalismoaren berezitasunen eguneraketarekin nahasten dira (sentsazio fuerteak, azkar bizitzeko beharra).

“Eten honek ez du hausnarketarik ezta bizi dugun krisia izendatzeko aukerarik ere ekarri, nahiz eta jai eredua aldatu behar deneko ahotsak geroz eta ozenagoak diren”

Pandemiak, beste gauza askorekin bezala, guzti honekin bukatu zuen egun batetik bestera. Eten honek, ordea, ez dio hausnartzeko prozesuari biderik ireki, ezta bizi dugun krisia izendatzeko aukerarik eman ere, nahiz eta jai eredua aldatu behar deneko ahotsak geroz eta ozenagoak diren.

Ardura hau ez da Udalarena bakarrik, eztabaida zail honi talde, kolektibo zein peñek ekin beharko liokete; sanferminek zentzu berria izatea nahi badugu ezinbestekoa baita eztabaida deserosoei eustea: entzierroak eta zezenketak, alkoholaren kontsumo gehiegizkoa, sexu erasoak, prekarietatea, belaunaldi guztientzako tokia egotea, aztarna ekologikoa, herrikoia dena pentsatzea, talde sozialen ahotsa, jaiak disfrutatzeko klase arrakala.

San Fermín: una mundanidad imposible

Mikel Urabaien Otamendi

1

Sanfermines

San Fermín: una mundanidad imposible

Mikel Urabaien Otamendi

1

Por primera vez las fiestas de Iruñea se han suspendido por motivos sanitarios, ya que el coronavirus es incompatible con el roce del festejo.

Sanferminek paktu sozial berri bat behar dute eta horrek zeharkako prozesu zail, deseroso eta konplexu bat beharrezko egiten du, eztabaida honen alde hiriaren inguruko begirada kritiko bat dugunok bultzatu beharko genukeela. Sanferminak iruindarrenak dira eta haiek direna islatzen dute, haien inguruko lanak, agian, Iruñea aldatzeko bide bat lirateke.