Opinión
Palestina ikusezina

Alde batetik, filmaren eta Israelgo Estatu sionistaren arteko zuzeneko konexiorik aurkitu ez arren, horrek ez du esan nahi harremanik ez dagoenik. Bestetik, Israelgo Estatuarekin harremanik ez izatea ez da nahikoa.

"Zinema israeldarrak Palestinak sufritzen duen apartheida normalizatzen laguntzen du. Beraz, arrazoi nahikoa dago argi eta garbi antisionista ez den film bat berriro ez saritu ezta proiektatzeko ere

Ez da asko bilatu behar Palestinan 1948tik gertatzen ari dena jakiteko. Palestina mapatik ezabatzen saiatu dira “nazio judua” eraikitzeko asmoarekin, Palestinako etxeak guztiz hondatuz. Palestinarrek —arabiar, musulman eta kristau izateagatik— beren existentzia debekatuta dute. Amaierarik izan ez duen garbiketa etniko baten historia da hau. Gaur, oraintxe bertan, palestinarrek Zisjordaniaren eta Gazaren 1967ko okupazio militarra pairatzen jarraitzen dute: gero eta kolono israeldar gehiago ari dira Palestinako lurrak okupatzen, errepide esklusiboak eraikiz eta 800 kilometroko harresi bat altxatuz non nekazaritzarako lurrak, hiriak eta familia palestinarrak bananduta geratzen diren. Israelgo Estatuak populazio palestinarraren bizitzak infernu bilakatzen ditu egunero: okupazio israeldar basati eta bidegabearen itolarria nabari daiteke.

Palestinako egoera ignoratzea eta Palestinako sufrimendua normalizatzea aukera politikoa da (eta ez julturala) eta horregatik idazten dizuegu gutun hau. Ez dugu In Your Eyes filmaren kalitatea zalantzan jartzen. Ez dugu zalantzarik zehaztutako eskubide batzuen defentsa ikusgai egiten dituela filmak. Baina bai, zalantzan jartzen dugu pelikula honek Zinema Ikusezinaren Jaialdian egon izana merezi ote duen. Guk aztertu ahal izan dugun arte, sarituek ez dute inoiz adierazpenik egin Israelgo Estatu sionistaren aurka beren karreran zehar. Israelgo Estatuak populazio palestinarraren kontra burutzen duen zapalkuntza ikusezin egiten duen filmak; Palestinako egoera normalizatzen du, eta, horregatik jaialdi horretan ez du lekurik merezi.

Palestinaren ahotsa isilarazita dago etengabe. Palestinarrek zailtasun serioak dituzte beren historia propioak kontatzeko orduan; askatasun ezarengatik (ez soilik adierazpen askatasun faltarengatik) eta Israelen betoarengatik. Horregatik Palestinako zinemagileek ezin dute Palestinako bizitza erakutsi haien protagonisten bidez.

Kulturaren eremuan, Israelek herri palestinarraren eskubideak urratu ditu luzaroan: horiek kaltetzen, ikusezin egiten eta kultura palestinarra eta bere existentzia sistematikoki ukatzen. Israelek adierazpen kultural palestinarrak zentsuratu ditu, baita sarritan haietaz jabetu ere. Gainera, Palestinan nazioarteko proiekzioak galarazi ditu, eraisteak edo kultur zentroen, antzokien eta erakusketa-gelen itxierak sustatuz epaileen aginduen bidez.

Zinema israeldarrak Palestinak sufritzen duen apartheida normalizatzen laguntzen du. Beraz, pentsatzen dugu arrazoi nahikoa dagoela argi eta garbi antisionista ez den film bat berriro proiektatu eta saritu ez dezazuen. Palestinaren okupazioa ignoratzea aukera politikoa da, eta ez kulturala; balio batzuk garrantzitsutzat jotzeko ez dira inoiz alde batera utzi behar.