Opinión
Sanferminak astindu
Jaien eredua aldatzen ez bada, jaiak, ulertzen ditugun moduan, desagertuko dira. Zentzu berean, ez dago aldaketak egiterik batzuen interesak ukitu gabe. Bultza dezagun indartsu oraindik zentzua duten jai batzuen azken izpiek duintasuna izan dezaten.
Otsailaren erdialdean deitu du Iruñeko Udalak aurtengo lehen Sanferminetako Mahaia. Bertan bildu dira gizarte talde, alderdi politiko, teknikari eta eragile ezberdinak. Antza denez, txupinazoa botako duten pertsonaren izena hautatzea da mahai horren lehen lana; estatu mailako telebista saio batek markatu du agenda oraingoan, eta bertako irabazlearen izena maneiatzen dute hainbat hedabideek aurtengo hautagai moduan.
Hasieratik Sanferminetako Mahairen asmoa izan da “denon artean lan egitea” guztion jaien alde. Hala ere, duela urte batzuk jaiak eztabaidagai dituztenen ahots ezberdinek ez dute tokirik esparru parte hartzaile horretan. Esaterako, auzokideak ez dira mahaiaren inguruan esertzen nahiz eta jaiaren ondorio zuzena jasotzen dutenak diren; kontsumoa eta alkohol edatearen jai eredua baitan jartzen dutenak ere kanpo gelditzen dira; inork ez ditu deitzen kultur eragileak, programa aberastu nahiko luketenak eduki ezberdinekin; animalien defentsarako taldeen ahotsa ez du inork entzuten ez eta talde ekologistek zaborren inguruko hausnarketa zein birziklapenean oinarritutako proposamenak...
Eragile hauek guztiek egindako lana altxor handia da hiriarentzat, errespetutik, maitasunetik eta etekin asmo gabekoak direlako. Ez da erraza ulertzen zergatik Udalak muzin egiten dion lan kolektibo honi. Kultura sailetik garatutako parte hartze eredu honek ez du aukerarik ematen jakituria guzti hau martxan jarri eta aldaketa sakona garatzeko.
Zoritxarrez, problema ez da prozesu parte hartzailearen forma edo edukia, Udalak jaien eredua aldatzeko duen borondatea baizik. Sakoneko afera baita Udalak ez duela Sanferminetan etekin ekonomiko handienak ateratzen dituztenei planto egiteko asmorik.
Jaien eredua aldatzen ez bada, jaiak, ulertzen ditugun moduan, desagertuko dira. Zentzu berean, ez dago aldaketak egiterik batzuen interesak ukitu gabe. Bultza dezagun indartsu oraindik zentzua duten jai batzuen azken izpiek duintasuna izan dezaten. Bultza dezagun indartsu udalak gainean duen beldurra gainetik ken dezan.
Relacionadas
Para comentar en este artículo tienes que estar registrado. Si ya tienes una cuenta, inicia sesión. Si todavía no la tienes, puedes crear una aquí en dos minutos sin coste ni números de cuenta.
Si eres socio/a puedes comentar sin moderación previa y valorar comentarios. El resto de comentarios son moderados y aprobados por la Redacción de El Salto. Para comentar sin moderación, ¡suscríbete!
