En Marea
Paula Quinteiro: “Están tentando romper o espazo da unidade popular”

“Deducín que algúns medios de comunicación e o Partido Popular ían tentar alongar esta polémica o máximo posíbel para nos facer dano. O tema delicado aquí é que sexa un sector minoritario de En Marea o que siga prolongando este asunto”.

Paula Quinteiro no parlamento
Paula Quinteiro durante unha intervención no parlamento. Foto: En Marea

publicado
2018-04-11 19:30

Paula Quinteiro —militante da corrente Anticapitalistas de Podemos— iniciou a súa traxectoria activista no movemento estudantil e no feminismo. Con só 27 anos é a deputada máis nova do Parlamento Galego, a onde chegou após participar no movemento 15M e na fundación do partido morado.

Hai unhas semanas viuse envolta nunha polémica mediática que puxo en perigo os febles equilibrios internos do espazo político de En Marea. Como noutras ocasións, o papel dos medios de comunicación hexemónicos na Galiza foi fundamental á hora de desencadear unha tormenta contra un cargo institucional das confluencias. Do mesmo xeito que outras veces estes espazos amosan unha enorme debilidade para enfrontarse a este tipo de polémicas.

Reunímonos nun bar da zona vella de Compostela durante unhas semanas que non están a ser fáciles para a saúde da confluencia en Galiza. Está segura de que non ten motivos para dimitir. Luís Villares, actual voceiro de En Marea, ameaza con impulsar unha consulta ás bases para que estas decidan o futuro da parlamentaria.

Após a polémica, esta é a primeira entrevista que concedes a un medio. Que motivou o teu silencio até agora?
Saín dar explicacións xusto cando saíu á luz pública o acontecido: fixen declaracións o martes e o mércores, cando saíu nos medios de comunicación. Decidín manter o silencio despois porque entendín que se trataba dun incidente menor, que non tiña que ter maior transcendencia. Entendía que dar declaracións era seguir avivando toda esta polémica que estaba xerada dunha maneira bastante artificial.

Acúsaseche de aproveitarte da túa condición de parlamentaria nun incidente entre a policía municipal de Compostela e un veciño. En que momento amosas o carné de parlamentaria?
Había unha situación de tensión entre un axente concreto e unha persoa e tratei de mediar en todo momento. A miña intención foi a mellor e penso que era o meu deber axudar a que esa persoa se identificara. É por isto que tentei calmar a situación e pido desculpas se se malinterpretou. Entendín que era un incidente menor, en ningún caso quixen beneficiarme e nin sequera estaba envolta no tema. Simplemente tentei achegarme para mediar.

A miña intención foi a mellor e penso que era o meu deber axudar a que esa persoa se identificara

Cal foi a actitude dos axentes da policía municipal?
Só vin unha situación un pouco desproporcionada por parte dun axente, de feito eu mantiven unha conversa con outro dos axentes con total normalidade cando rematou toda a situación. Xa estaba identificada a persoa da que requirían a identificación e simplemente nos dixo que continuásemos camiñando, sen maior problema. Incluso había algúns axentes que estaban unicamente nun segundo plano, observando, sen participar directamente en ningún dos feitos.

Entón eles deixan marchar a todo o mundo? Tamén á persoa que estaban a identificar?
Si, no momento no que o obxecto de parar a esa persoa —que era a súa identificación— se produce, dinnos que continuemos.

Poste en contacto con alguén despois destes feitos? Falas con Luís Villares, o voceiro do grupo parlamentar de En Marea?
O mesmo domingo, a unha das primeiras persoas ás que chamei foi a Luís. Foi precisamente para comentarlle o que pasara por se podía ter calquera tipo de repercusión, para que estivese ao tanto. Falei tamén con outras persoas e con membros do grupo parlamentar. O martes, cando o tema salta aos medios de comunicación, tiven unha conversa co conxunto do grupo parlamentar. Mais a primeira persoa en ser informada, o domingo, foi precisamente o voceiro do grupo.

Unha vez que fas todo isto, como se pode chegar á situación de que a opinión do Grupo Parlamentar e a do Consello das Mareas sexan tan discordantes?
Eu penso que foi unha escusa para que unha minoría do espazo da unidade popular aproveitase a situación para tensar todo o espazo: o propio grupo parlamentar e incluso as mareas municipalistas. Chégase a isto por irresponsabilidade e por falta de diálogo.

O mesmo domingo, a unha das primeiras persoas ás que chamei foi a Luís

Pola miña banda e pola da maioría do grupo parlamentar podo asegurar que houbo moitos intentos de chegar a acordos, moitos intentos de que isto se solucionase dun xeito que non tivese repercusións negativas para ningún deses espazos. Tentamos chegar a un acordo antes do Consello das Mareas. Mesmo despois do correo electrónico enviado ás persoas inscritas, seguimos tentando chegar a un acordo que permitise resolver a situación, porque entendiamos que a solución tiña que vir pola vía fraterna.

Penso que os ataques que estou a sufrir son unha escusa dun sector que está a tensar para romper o espazo da unidade popular.

Desde fóra percíbese moita ausencia de debate político ou ideolóxico, non só con este tema. É algo que vén pasando desde hai tempo cada vez que existen tensións no espazo das confluencias. A que pensas que se debe?
Penso precisamente que baixo este asunto está o conflito entre dous modelos de proxecto político. Acho que hai un sector minoritario de En Marea que aposta máis por un modelo de partido máis tradicional —máis clásico— e penso que somos maioría as que seguimos a apostar por unha fórmula de unidade popular máis asemblear, máis horizontal e en constante movemento. Nós levamos moito tempo chamándolle partido-movemento: saírmos das estruturas clásicas para construír outro tipo de forza política. Eu tamén boto en falta máis debate político.

Para un espectador externo é rechamante que neste debate pareza que os sectores mais movementistas vos esteades a refuxiar na autonomía do grupo parlamentar, mentres que os teoricamente máis tradicionais apelen ao espazo non institucional. Por que acontece isto?
Cando nós nos remitimos aos acordos do grupo parlamentar é porque o entendemos como un espazo máis amplo e que recolle maior número de sensibilidades do espazo da unidade popular. Eu sigo defendendo que os cargos institucionais estamos ao servizo de quen nos colocou aí. O que acontece é que existe unha deformación que moitas veces omite a parte da historia que non interesa.

A actual dirección de En Marea non representa a pluralidade do conxunto do espazo

Temos que lembrar que cando foron as eleccións aos órganos de dirección de En Marea, a lista máis votada nesas primarias foi a denominada Mais alá. Esta lista representaba a pluralidade da maioría dos sectores que conformaban o espazo e estaba encabezada polo mesmo Luís Villares. Esta lista foi tamén a máis votada. 
Porén á hora de conformar os distintos organismos é Villares o que rompe esta unidade e pacta cos sectores que son derrotados e que non representan tanto a pluralidade do espazo. Estes sectores minoritarios son os que penso que queren camiñar na dirección de construír un partido de corte máis clásico. Polo tanto, non estamos nunha disputa entre o grupo parlamentar e a dirección dun partido, senón que a actual dirección de En Marea non representa a pluralidade do conxunto do espazo. 

Volvendo ao comezo e unha vez que se recolleron informacións de que a actuación policial é bastante cuestionábel. Non tes a sensación de que se fecha o debate en termos moi conservadores? Non se podería ter enfocado desde unha perspectiva que cuestionase determinadas prácticas policiais?
Isto débese a que actuamos con maior responsabilidade. Isto fai que se perda en certo sentido o relato mediático, mais a vontade de todas as que permanecemos en silencio ou quixemos tranquilizar o tema foi a de actuar con responsabilidade. É evidente que ao Partido Popular lle interesa que do único que se fale sexa destes problemas e das nosas pelexas internas.

Actuamos con maior responsabilidade e isto fai que se perda o relato mediático

Estamos precisamente nun momento de enorme retroceso en liberdades e dereitos. Por iso mesmo entendín que había problemas maiores que este. Tamén deducín que algúns medios de comunicación e o Partido Popular ían tentar alargar este problema o máximo posíbel para nos facer dano. O tema delicado aquí é que sexa un sector minoritario de En Marea o que siga prolongando este asunto. Doutro xeito, este tema morrería mediaticamente en pouco tempo e poderiamos estar falando dos temas que realmente preocupan aos galegos e galegas.

De todos xeitos, hai un atestado policial que traslada unha determinada visión, que podería ter unha intención criminalizadora. Pese a que o acontecemento sucedeu no espazo de lecer nocturno, non é a primeira vez que xorden dúbidas sobre a actuación policial en temas que, ao final, tamén teñen que ver coas liberdades civís…
É un tema complexo. Tocará unha reflexión colectiva sobre este tema. A min agora non me toca facer unha reflexión persoal.

Cara a onde pode derivar esta crise? Podería existir unha ruptura do espazo?
Apelo a unha saída dialogada e fraterna. Se este sector minoritario entende a importancia do espazo de unidade popular e o que nos estamos a xogar… Eu pediríalles que parasen e reflexionasen sobre o que están a facer.
Pedín desculpas por se algunha xente se sentiu incómoda. Eu non fixen nada malo nin utilicei a miña condición de parlamentaria para beneficiar a ninguén, nin dificultei o traballo policial en ningún caso. Só tentei mediar como cidadá nunha situación delicada. O que me fai permanecer no Parlamento é conseguir mudanzas para a cidadanía galega. Os meus ingresos son públicos: traballaba de enfermeira e pódese comprobar que non me beneficiei economicamente do meu traballo parlamentar.

Relacionadas

Galicia
Xulio Ferreiro: “Mi retirada no fue un repliegue táctico”

Xulio Ferreiro analiza el estado actual del espectro más a la izquierda del arco parlamentario gallego y estatal un mes después de perder la alcaldía de A Coruña en las últimas elecciones municipales.

En Marea
Catro pingas

Sempre se dixo, dun xeito case tan verosímil coma poético, que a lúa determina a forza das mareas. Resulta curioso pensar como infinitas moléculas suman folgos para, circulando ao unísono, dar forma a grandes océanos que semellan indestrutíbeis. Porque, a fin de contas, iso é o importante: dar unha boa mostra de fortaleza e unión.

En Marea
Quero a cabeza de Paula Quinteiro
As palabras moral e ética están completamente fóra de lugar nun asunto que non mostra máis que miseria, cainismo e unha absoluta falta de escrúpulos.
16 Comentarios
#13904 12:22 16/4/2018

Pero que merda de excusa para largar unha deputada e esto. Un feito que non ten nengunha repercusión en nada, xa ves ti a gravidade do asunto que foi identificarse ela a policia tamén.
En fin mareadas, Ana Ponton será a miña próxima presidenta, xa que polo menos será unha muller con poder e non unha chea de inimigos entorno a unha particula de poder.

Responder
1
0
#13870 25:40 15/4/2018

"Sé fuerte, Paula. Non dimitas". Pídoche que non nos quites o pracer de BOTARTE entre todas.

Responder
1
1
#13778 21:36 14/4/2018

Vendo o espectáculo que están a dar Villares y Mario López Rico e os seus bonecos, só hai alguén que se estea a rir máis que os do PP e La Voz: os do BNG, que saben mellor que ninguén, porque os sufriron moitos anos, de que xente se libraron.

Responder
6
0
Simón Bascoy 10:47 13/4/2018

Vamos ver, ti ves que os teus amigos están a escachar uns retrovisores e non interves para parar os danos e, cando interven a policía local, che identifiques como parlamentaria en prol de que? De que non vaia a máis identificar aos que fan o bárbaro? ...pensei qie fachendar de que «non sabe con quen está a falar ou, eu son parlamentaria» correspondía a épocas pretéritas da política, vexo que estaba equivocado e nótase que pouco aprendiches do movemento do 15m... O dito castelán dos arrieiros... vémonos nas furnas!

Responder
6
2
#13485 10:21 13/4/2018

A ùnica nova que me interesa de Paula Quinteiro é saber se dimite dunha vez, pra que EU non teña vergoña de Ser de En Marea. Penso que se nos consultaran ás bases...sairía por abrumadora maioría FORA. Este artigo é outra proba do unpresentable que é

Responder
4
2
#13437 20:02 12/4/2018

Os feitos son gravísimos e o dano a organización tamen

Responder
4
1
Carme 17:45 12/4/2018

Se é verdade o que afirma ese comentario e os afíns a Villares trataron de chantaxear á PQ con mentiras, os inscritos de En Marea deben coñecer os nomes desas persoas. Que se diga.

Responder
4
0
#13427 17:32 12/4/2018

El tema es muy sencillo. Para que hubiese abuso de poder, Paula Quinteiro debería tener poder sobre el policía local y no tiene ninguno. Se podría haber presentado como abogada, enfermera o astronauta. A los efectos de sus posibilidades de influir sobre un funcionario que dependen orgánicamente de un ayuntamiento hubiese sido lo mismo. Muy al contrario, el poder lo detenta ese mismo funcionario que sí es autoridad, que sí puede detener e identificar a quien quiera y verter en su atestado las afirmaciones que desee que, además, son prueba ante un tribunal. En este caso, por muy diputada que sea, el poder lo sigue ostentando la autoridad policial. Más aún si se trata de una persona con antecedentes de abuso de autoridad, como en este caso. Cuando la gente habla de "prebendas" tal como loritos no sabe de qué habla. ¿Qué prebenda le da su cargo sobre un policía? Ninguna. Pero, en fin, esto es lo de menos. Todos sabemos que esto no va de una discusión racional si no de largar a una persona molesta para poder enchufar a Xoán Hermida que arde en deseos de pegar el salto a la fama y ya ni lo disimula en sus redes sociales.

Responder
3
1
pidrogalego 13:29 12/4/2018

Fai uns meses que retornei á Terra despois de estar muitos anos fora...
Ainda estando na outra punta da Península estava em constante contacto coa realidade do País e fum vendo e vexo com estupor que bem entrado o século XXI as forças políticas galegas da esquerda seguem a practicar o minifundismo apoiado em personalismos e tacticismos surrealistas mais aló das importantes urgéncias das que sofre o País.
Neste tema, pois tambem.
Creio que um/umha representante política do povo nom é, nem devera ser, mais que qualquer cidadan ou cidadá normal (considero isto tanto no tema da Senhora Cristina Cifuentes como no caso da representante cidadán entrevistada neste artigo).
Fai anos tivem, por mor dumha subvençom que me concedeu para um proxecto o governo Galego, umha conversa com um dirixente da Conselhería bastante surprendente onde se me dixo que a Conselhería facía cos seus cartos o que creía conveniente. Por desgracia essa Conselhería nom a gestionava o PP, quen tam acostumados nos tem a esas saidas, senom que estava nas maos do partido nacionalista galego hegemónico nesas datas. Os Cartos eran, som e serán d@s galeg@s, e @s representantes están ahí post@s polo povo para xestionalo, penso eu que assin devera ser.
Se realmente cremos num proxecto diferenciado, libertador para o país nom sei que facemos utilizando coma nov@s ric@s as prevendas dum posto político coma se fósemos igual que a dereita o a "social-democracia" imperantes. Se nom queremos que os xornais ás ordes do sistema nos ataquen nada milhor que ser coherentes e exercer como tales. Sempre nos atacarán mas é evidente que fam estragos em nos quando dam com umha incoherencia no nosso comportamento, ás provas me remito.
Unidade Popular sempre, a força do povo sempre, pero com um comportamento que nom deixe lugar a dúbidas, coherente e fuxindo dumha vez por todas das luitas cainitas personalistas e sem sentido as que tam acostumad@s por desgracia estamos na Nosa Terra. A ver se é possível!

Responder
4
7
#13419 16:11 12/4/2018

Fui fatal o bipartido, quanta raçom tens!
É a panísima o estado das cousas atual, muito obrigado a todo o hipercriticismo aló e acó.
E não é que a crítica retórica do esquerdalhismo seja inútil, que não é, quem nos dera: é que é puro vício e embiguismo.
Pessoalmente não importa uma figa se a senhora tem de marchar ou ficar, nem votei nela nem faria tal, mas isto é um assunto de vida das organizações políticas de qualquer signo. A luta interna existe. O que é insuportável é aturar a uns a defensar súa precária posição dentro de EM fazendo apelos á ética e á moralidade ou mesmo o feminismo.
E os outros que já andam a fazer de "deep throat" com certo jornal sito em certo polígono. Tática, por certo, aperfeiçoada nos tempos bipartidistas, quando o homem maior que hoje renega os indisciplinados a ameaça com sanções pasou muito tempo a sabotar a quem fora seu sucessor.
Total, que mais organização e transparência só com que estea organizada e nas canles apropriadas. O espectáculo sempre persigue um interese pessoal.

Responder
7
1
#13418 15:56 12/4/2018

Pero de que prevendas falas? Ti liches a entrevista?

Responder
5
1
#13384 9:15 12/4/2018

Hai un feito que explica moi ben o acoso que sofre Paula Quinteiro: o mesmo día en que a prensa fixo público o seu altercado coa policía e aproveitando un momento persoal de shock, os seus compañeiros de partido que reclaman a súa dimisión a amenazaron con facer público un vídeo que presuntamente a deixaba en mal lugar, se non dimitía no prazo dunha hora. A existencia deste vídeo, claro está, era unha mentira e só era un medio noxento de chantaxe. Estos son os modos que estas persoas teñen de relacionarse cos seus compañeiros, pola chantaxe, a mentira, a ameaza. As que desexamos un modo de traballar en común dende a fraternidade e o coidado non podemos máis que sentir noxo. Todos aqueles que están pedindo a dimisión de Paula Quinteiro, usando estes métodos mafiosos, deberían dimitir xa, con Villares o primeiro. Isto non se pode consentir.

Responder
12
12
#Quinteirodimitexa! 24:40 13/4/2018

Se iso que dis fose certo, xa o tiñades denunciado con nomes e apelidos. Anque me temo que se realmente houbese probas gráficas, seguro que Paula&cìa aínda quedarìan peor parad@s. Por certo, que decepciòn Saltodiaro... van 3 artigos de parte: "artigo de investigación" que fedía a xustificación a posteriori e de paso enmerda ó Concello, "artigo de opinión" indocumentado, zafio, e con inquina en demasìa...e pra rematar esta entrevista gloriosa. Estaredes enchidos de orgullo!

Responder
4
2
#13776 21:00 14/4/2018

Quizais se os de CERNA soubésedes escribir e tivésedes algún razonamento máis aló do odio podre, poderían publicar algo voso. Veña, tentádeo, arriba ese ánimo.

Responder
3
6
#13940 18:37 16/4/2018

Como vos interesa etiquetarnos ás mareantes de base....de CERNA?? Hahaha

Responder
0
0
#13429 17:39 12/4/2018

Votan a favor y votan en contra, pero nadie sale a desmentir este hecho que, de ser cierto, es gravísimo.

Responder
3
1

Destacadas

COP25
Los ecologistas cifran en 500.000 personas la asistencia a la Marcha por el Clima

La protesta, acto central del movimiento de contestación a la falta de ambición climática de los líderes globales, busca presionar para que la COP25 termine de cerrar un Acuerdo de París realista que contribuya a frenar la emergencia climática.

COP25
Greta Thunberg, en Madrid: “Necesitamos más activistas climáticos”

La  joven activista sueca, instigadora de las protestas Fridays for Future que hoy se reproducen por todo el planeta, ha pedido a las naciones que se pongan de acuerdo de una vez por todas y cierren un Acuerdo de París ambicioso.

Feminismos
Ana Bernal Triviño: “Los bulos y la desinformación ponen en riesgo el apoyo social a las víctimas”

A principios de otoño Ana Bernal Triviño, reconocida periodista feminista, presentaba el libro No manipuléis al feminismo: una defensa contra los bulos machistas. En ese marco conversamos con ella sobre el rol de los medios en el auge y blanqueamiento de discursos misóginos. Pero también abordamos un debate nada fácil, el que enfrenta a los feminismos en torno a la prostitución.

Las Kellys
Las kellys impulsan una organización internacional contra las subcontratas

Con el nombre de We end outsourcing, un grupo de kellys españolas junto a sindicalistas de Reino Unido y Francia trabajan en la creación de un colectivo internacional contra las subcontratas abusivas.

Marruecos
El amor no es un crimen, la lucha por reformar el Código Penal marroquí

Nace una iniciativa popular para “forzar” al Parlamento a debatir sobre la legislación que castiga las relaciones sexuales fuera del matrimonio o entre personas del mismo sexo, el adulterio y el aborto.

Cárceles
De la celda al estigma social

La prisión no acaba cuando un recluso cumple su pena. Ya en la calle, las personas que han pasado por los centros penitenciarios se enfrentan a la falta de trabajo y al estigma social. Los voluntarios de asociaciones como Darse o Cupif explican las dificultades que encuentra una persona presa a la hora de reinsertarse y el trabajo que realizan para allanar el camino.

Últimas

Racismo
Hortaleza distorsionada

Alguien dibujó una diana gigante en la paredes del centro de primera acogida de Hortaleza, y otros han ejecutado.

Extrema derecha
El detenido con el mayor arsenal de explosivos caseros hacía apología franquista y propaganda de Vox en redes sociales

La persona detenida en Miranda de Ebro con 17 explosivos de fabricación casera dispuestos para ser utilizados hacía propaganda de la dictadura franquista en un perfil de Facebook que varios vecinos de la localidad burgalesa identifican como gestionado por él. La Guardia Civil considera que, para la investigación, “es irrelevante que el detenido hiciese apología en redes sociales de partidos políticos legales, ya sean de extrema izquierda o extrema derecha”.

América Latina
Arantxa Tirado: “Venezuela es el paradigma de lo que le espera a cualquier gobierno que desafíe al neoliberalismo”

Arantxa Tirado es politóloga y experta en América Latina. Es autora de Venezuela: más allá de mentiras y mitos, un libro con el que quiere romper con las falsas verdades y bulos creados en torno al chavismo y la situación en Venezuela.