Altri
A Plataforma Ulloa Viva cambia a súa directiva para os vindeiros anos de loita contra Altri

Os máis de 1.500 socios e socias da Plataforma Ulloa Viva decidiron o pasado sábado en votación a súa nova directiva, escollendo a candidatura máis rupturista co legado anterior e próxima ao nacionalismo institucional, liderada por Juan Pedro Sánchez Morcillo, Ana Otero Gómez e Serxio Núñez Martínez. A súa vitoria sitúa ao colectivo nun novo momento estratéxico, máis aberto a incorporar a grandes organizacións sociais e sindicais galegas e tamén a ampliar a base de socias e socios por toda Galiza e non centrada nas zonas afectadas.

Galiza elixe o rumbo da loita contra Altri nas eleccións á directiva da plataforma Ulloa Viva

Javier H. Rodríguez

Altri

Altri Galiza elixe o rumbo da loita contra Altri nas eleccións á directiva da plataforma Ulloa Viva

Javier H. Rodríguez

A veciñanza da comarca máis afectada presenta dúas listas separadas logo de non chegar a unha proposta de consenso. Por unha banda, concorre unha candidatura continuísta e, pola outra, unha alternativa que se achega máis o nacionalismo institucional.

No proceso, que se celebrou o pasado día cinco de xullo, concorreron dúas listas diferenciadas máis nas formas que, a priori, no obxectivo, que seguirá sendo frear este macroproxecto industrial. Así o explicaron a esta redacción cadanseus representantes nunha reportaxe publicada hai apenas uns días. Por unha banda, concorreu unha candidatura continuísta coa estratexia do primeiro grupo motor, co asemblearismo e a sociocracia como base, fiadas con posicións ecofeministas e horizontes alternativos enmarcados na economía social e solidaria; e, polo outro, unha alternativa que considera fundamental incorporar á plataforma a persoas de toda Galiza máis alá dos territorios afectados, que é menos reticente a achegarse ás organizacións sociais vinculadas ao nacionalismo institucional e que está organizada a través da democracia representativa. Esta última, resultou a gañadora.

O punto clave agora é a estratexia xudicial

O fundamental agora é a orientación da estratexia xudicial que se levará a cabo desde a plataforma contra o proxecto amparado polo Goberno de Alfonso Rueda, a multinacional portuguesa Altri e a galega Greenalia. Ambas candidaturas están de acordo no esencial e aspiran a traballar xuntas.

Entre as principais accións xurídicas previstas pola Plataforma Ulloa Viva atópase a impugnación de, canto menos, tres actos administrativos clave: a captación de augas, a Autorización Ambiental Integrada (AAI) e a declaración como Proxecto Industrial Estratéxico (PIE).

En consecuencia, interporanse todos os recursos administrativos e xudiciais que procedan. Isto inclúe un recurso de alzada contra a AAI, así como recursos contencioso-administrativos e demandas xudiciais ante os tribunais competentes: o xulgado correspondente no caso da captación de augas, e o Tribunal Superior de Xustiza de Galiza respecto á AAI e o PIE. Ademais, dentro destes procesos xudiciais solicitaranse medidas cautelares para paralizar as concesións, autorizacións e proxectos en cuestión, e elaboraranse informes periciais técnicos que respalden as impugnacións.

Así mesmo, se chegasen a concederse subvencións públicas, xa sexa mediante fondos de descarbonización ou como axudas directas vinculadas a proxectos de interese comunitario, tamén se recorrerán legalmente.

Por último, no caso de que o procedemento da AAI non prospere e os fondos recadados pola campaña legal non sexan necesarios, a Plataforma comprométese a abrir un proceso participativo entre os seus socios para decidir colectivamente a que iniciativas do territorio se destinarán ditos recursos.