Contigo
Axúdanos a chegar ás 12.000 socias, agora co 50% de desconto

Esta fin de curso foi especialmente movida para O Salto. A finais de maio, contabámosvos que estabamos en problemas, que tiñamos un déficit de 112.000 euros para 2027 e que nos dispoñiamos a lanzar unha gran campaña para darlle a volta á situación e pegar un novo salto para estar á altura dos tempos.

En xuño, lanzamos unha gran consulta entre a nosa comunidade de socias sobre as Liñas Vermellas que rexen o funcionamento do medio. Este documento, validado cunha participación que superou todas as expectativas, entrega ás socias e socios a última palabra sobre cuestións tan importantes como a propiedade do medio, como se financia, como se organiza internamente O Salto e todo o que ten que ver coa marca e a forma societaria.

Queriamos mandar unha mensaxe clara: estamos a atravesar unha delicada situación económica, pero non estamos dispostos a saír dela de calquera xeito

Con esta consulta queriamos mandar unha mensaxe clara: estamos a atravesar unha delicada situación económica, pero non estamos dispostos a saír dela de calquera xeito, perdendo polo camiño, como lle pasou a tantos medios antes, a súa razón de ser, o seu sentido.

Non van ser os bancos que desafiuzan nin os fondos de investimento nin os multimillonarios nin os gobernos ou partidos que buscan altofalantes quen salven a O Salto.

Buscamos socios e socias que compartan a nosa visión crítica da actualidade, das institucións, dos grandes poderes que dominan a axenda política e mediática

Só a xente pode salvar a este gran medio financiado pola xente. Buscamos socios e socias para dar un novo salto, socias que compartan a nosa visión crítica da actualidade, das institucións, dos grandes poderes que dominan a axenda política e mediática. Buscamos socios e socias que compartan as dúas ideas centrais que dan sentido a O Salto: un medio crítico non pode depender dos poderes aos que ten a obriga de denunciar; un medio crítico que defende a participación e a democracia radical tamén debe practicala no seu interior.

Buscamos xente coma ti, que estás lendo isto.

Non che gusta ter xefes. Non che gusta que che digan o que tes que dicir. Prefires non deberlle nada a xente perigosa. Cres que hai que desobedecer as leis inxustas. Pensamos exactamente o mesmo e levámolo á práctica. O Salto vai contigo.

Se tamén cres que fai falta un gran medio financiado pola xente e non polas grandes corporacións, é que temos moito en común :)

Este verán podes facerte socio/a co 50% de desconto* e axudarnos a chegar ás 12.000 persoas socias que aseguran o futuro do medio. Necesitámoste máis que nunca.

*Desconto válido para o primeiro ano en novas subscricións domiciliadas na modalidade Completa, que inclúe a revista trimestral e unha longa lista de vantaxes.