Represión
Ordenanza mordaza: o Concello de Lugo contra as súas cidadás

Lugo prepárase para unha manifestación que pretende reivindicar a liberdade das súas cidadás e frear o borrador da Nova Ordenanza de Convivencia e Seguridade Cidadá, máis coñecida como Ordenanza Mordaza.

Lugo sen mordazas Castelao
Mural da Plataforma Lugo sen mordazas
26 sep 2018 09:23

Agrupadas baixo o nome Lugo Sen Mordazas, máis de trinta asociacións levan meses denunciando o ataque que supón para as liberdades esta Ordenanza que o concello de Lugo, baixo o mando do PSdG-PSOE, co apoio de PP e Ciudadanos e coa axuda da Policía Local, pretende aprobar. Creada baixo a escusa de que Lugo ten moitos problemas que precisan atención urxente, esta ordenanza parece máis ben unha forma de recadar fondos a través da poboación, e un intento de controlar e reprimir calquera tipo de acción por parte da cidadanía.

“É como se Lugo volvese ao franquismo con leis que recordan ás de Vagos e Maleantes”, denuncian desde Lugo Sen Mordazas. “Hai dous modelos de cidade posibles, e este busca criminalizar a pobreza, a vida en comunidade, o uso dos espazos públicos e as protestas. É evidente que a filosofía que subxace a esta ordenanza é a que procura cortar coa vida comunitaria, xusto o contrario ao que reivindicamos desde esta plataforma”.

Lugo Sen Mordazas propón e quere un modelo vivo de cidade, con tecido social e apoio entre cidadás, algo que é imposible se se chega a aprobar esta Ordenanza que ademais de anacrónica é, para moitas, absurda.

“A Ordenanza está dividida en tres bloques fundamentais”, di Fran, de Lugo Sen Mordazas. O primeiro fala da vida na cidade, e pretende prohibir os xogos dos nenos na rúa, castigando con multas desproporcionadas o que son simples faltas de educación que se poden solucionar falando”. Cuspir no chan, timbrar nas casas dos veciños sen motivo ou subir ás árbores non deberían ser sancións cando son faltas que, como moito, poderían requirir un toque de atención, non 750 euros de multa, ou máis, que poucas poden pagar. “Ademais están aquelas partes da ordenanza que directamente son absurdas e non se entende moi ben como pretenden controlalas”. Sacar as cadeiras á rúa, algo que moitas fan cando chega o bo tempo, arrastrar mobles pola casa, facer chamadas de brincadeira á policía (o que pode implicar ata 1500 euros de multa) ou dicir palabras soeces, sen sequera especificar que queren dicir con isto.

A intención é clara, privatizar o espazo público facendo que xa non poida ser un lugar no que toda a cidadanía comparta momentos e goce das rúas. As celebracións cando se gaña un campionato deportivo, facer parkour... todo iso vai estar altamente controlado ou directamente prohibido con esta nova Ordenanza. E para os nenos, que hoxe en día pasan cada vez menos tempo fóra, implicaría que se encerren aínda máis na casa, xa que xogar na rúa pode provocar multas inmensas para as súas familias.

A intención é clara, privatizar o espazo público facendo que xa non poida ser un lugar no que toda a cidadanía comparta momentos e goce das rúas

O segundo bloque é un ataque directo aos sectores máis vulnerables da sociedade, criminaliza a pobreza e é directamente clasista. “Converte á xente que pide esmola, ás traballadoras sexuais, a figuras como os “gorrillas” ou as persoas que venden cousas a cambio da vontade –como as que venden chisqueiros nos semáforos– en delincuentes, multándoos no canto de dar unha solución para estas persoas que non teñen recursos e teñen que sobrevivir como poden”, denuncian desde a Plataforma. Os músicos que queiran tocar na rúa ou que se adiquen a outro tipo de expresións artísticas poderán ser multados tamén. Do mesmo xeito durmir no espazo público pasa a ser tamén un feito punible segundo esta Ordenanza.

Cartel Lugo sen mordazas
Cartel da convocatoria da manifestación do mércores 26 de setembro
E por último está a terceira parte, a que fala do activismo nas rúas. Coa Ordenanza Mordaza –se non se pide unha autorización previa– pódese multar con ata 1500 euros as manifestacións, o reparto de propaganda, a recollida de sinaturas ou colocar mesas informativas por parte de asociacións culturais ou colectivos políticos, cando antes con avisar ao Concello xa era suficiente. “Isto implica un control político sen precedentes, xa que será o Concello o que decide se dar ou non esas autorizacións”, advirten desde Lugo Sen Mordazas. A isto hai que lle engadir que, se nunha asociación ou colectivo se reiterasen as faltas, o Concello resérvase o dereito de clausurar as súas actividades durante tres anos ou incluso indefinidamente. Foméntase ademais o “chivatazo” entre veciñas, xa que a lei permitiría sancionar a persoas individuais que se atopen nun lugar público no que haxa, por exemplo, unha manifestación ou recollida de firmas, aínda que estas non estean participando delas.

“O que desde Lugo Sen Mordazas temos claro é que a seguridade non a dá a mordaza, senón a comunicación e o apoio entre as veciñas. O que o Concello debería facer é dar máis axudas sociais e pensar menos en multar ás súas cidadás”, di Fran. “Parece raro que unha Ordenanza que pensa na veciñanza vaia tanto en contra das súas veciñas e da propia cidade”, denuncian. E do que non parece querer falarse desde o goberno de Lara Méndez é da terrible situación na que se atopan as rúas lucenses, sen que desde o Concello se faga moito ao respecto. Zonas onde a herba é tan alta que non se poden usar os bancos, paredes sen pintar que quebran, muros cheos de sinaturas e pintadas que máis ben emporcallan a zona vella, pero que non parecen molestar tanto ao goberno como as pintadas e cartaces de Lugo Sen Mordazas ou os murais con contido artístico ou reivindicativo.

O Concello de Lara Méndez non deixa de borrar os murais e os seus carteis da plataforma cidadá sen dar un motivo

“Parece unha campaña por parte do Concello e de medios como El Progreso ou La Voz de Galicia contra as pintadas de Lugo, e meten os graffitis, os murais de contido artístico e as pintadas políticas no mesmo saco. Din ademais que son os veciños os que chaman para pedir que as quiten, pero existen moitas dúbidas sobre que isto sexa así”, afirman desde Lugo Sen Mordazas. O Concello de Lara Méndez non deixa de borrar os seus murais e arrancar os seus carteis sen dar un motivo. Primeiro foi un mural reivindicativo que se fixo nun soar abandonado, na rúa San Roque, que tardou menos de tres días en ser borrado. A el seguíronlle outros dous como resposta, un no que se podía ler “Aquí censurouse unha expresión artística”, que desapareceu en menos de dous días, e outro, cun debuxo de Castelao que se creou un mércores noite, e que o venres tamén foi borrado de mala maneira. O que chama a atención á Plataforma é que se borren estes murais, feitos con esmero, mentres non se limpan outras pintadas que parecen máis ben borróns. Tamén parece estraño que se tapen os murais sen pedir previo permiso aos donos dos muros onde se están pintando, xa que se trata de propiedades privadas. “Vendo que moitas veces deixan as paredes igual de sucias que antes, podemos dicir que non os limpan porque lles preocupe a estética, senón que hai un motivo censurador detrás”, din desde Lugo Sen Mordazas. E ademais, o Concello non ten en conta o esforzo que implica facer estes murais e o mal que quedan as rúas cando simplemente blanquean por riba. Pero o que a Plataforma ten claro é que non vai deixar de facerse visible como poida, e por iso tamén colgaron un cartel no edificio Garañón: símbolo da corrupción e do deixe da cidade por parte dos políticos que a gobernan.

Acción Lugo sen mordazas
Acción da plataforma Lugo sen mordazas no edificio O Garañón, "exemplo de corrupción urbanística".
E os ataques non son só contra a arte reivindicativa, hai uns meses un dos activistas de Lugo Sen Mordazas foi multado con 300 euros por pedir sinaturas para a retirada da Ordenanza Mordaza na Praza de Santo Domingo. “En teoría foi porque non tiña permiso, pero chama a atención que outros postos que estaban na mesma praza e tampouco pediran permiso non tiveron ningún problema coa policía”, recalca Fran. “Se é un espazo público, todas deberiamos ter dereito a usalo”, denuncia.

Por todo isto, a Plataforma Lugo Sen Mordazas convoca unha manifestación para este 26 de setembro ás 20:30 na praza lucense de Santa María. “Levamos moito tempo traballando contra o que sería un ataque imperdoable á liberdade nas rúas da nosa cidade. Fixemos asembleas, actividades para achegarnos a tódalas veciñas, contacontos, cine de barrio, falamos co Concello antes de que empezase esta política tan agresiva cara a nós, e cremos que agora é o momento de facer unha manifestación, para acadar todo o apoio posible e darnos aínda máis visibilidade. É unha manifestación para todas, sen excepcións, para reivindicar o espazo público e as nosas liberdades”, din desde Lugo Sen Mordazas. “Animamos á xente que veña á manifestación que, se pode, chegue media hora antes, porque temos unha actividade previa para que cadaquén cree o seu propio cartaz”.

Pero a plataforma non perde a esperanza, xa que non é a primeira vez que un municipio consegue tirar abaixo unha Ordenanza Cívica (no 2016, a xustiza de Baleares anulou unha que se pretendía aprobar desde o Concello de Palma). Esta Ordenanza está ademais chea de leis que van en contra da lexislación vixente e non respecta moitos dos dereitos e liberdades civís máis básicos. Pero mentres non quede claro que non se vai aprobar, desde Lugo Sen Mordazas pensan seguir loitando, saíndo á rúa e berrando todo o que fala falta para que a cidade de Lugo siga sendo unha cidade viva e inclusiva, unha cidade para todas.

Relacionadas

Movimientos sociales
El TSJEX prohibe una concentración para exigir medidas sociales en Extremadura
Los convocantes exigen una serie de medidas sociales para todos los extremeños en situación de vulnerabilidad. También piden el pago inmediato de los ERTEs.
Libertad de expresión
España sigue liderando el encarcelamiento de la expresión artística

En 2019 se produjeron al menos 711 violaciones de la libertad de expresión artística en 93 países, con episodios de censura, juicios, prohibiciones o sentencias de prisión. Los ha contabilizado la organización Freemuse en su informe anual, que vuelve a dejar a España en mal lugar, con 14 personas condenadas a cárcel por lo que dicen mediante sus obras artísticas.

0 Comentarios

Destacadas

Brecha salarial
Esto es la brecha salarial: un 40% menos de salario si barres en el interior

Un barrendero que escoba las calles de Bilbao cobrará este mes 1.477 euros, frente a los 1.028 euros de quien barre el interior de los edificios municipales. Ellos se ocupan del espacio público visible. Ellas, del invisible.


Actualidad
De Colombia a India. Ciclones y totalitarismos

Un resumen visual de la actualidad mundial. Todo imagen, sin comentarios. Un nuevo formato de El Salto TV: el Plano Maestro.

Coronavirus
La mascarilla, nuestra nueva frontera

La obligatoriedad de la mascarilla simboliza lo que me atrevería a calificar de mutación antropológica: nuestros gobernantes, con el apoyo de pensadores de la altura de Byung-Chul Han, parecen estar decididos a que la cara no enmascarada comience a parecernos obscena.

Drogas
Más opioides, más alcohol y cannabis al doble de su precio: las drogas durante el estado de alarma

¿Qué ha cambiado en el mundo de las drogas durante los dos meses de confinamiento? Javier Sánchez Arroyo, coordinador de Consumo ConCiencia, responde a las dudas sobre el uso y posible abuso de sustancias en este tiempo.

Antifascismo
Salir del armario de la patria

Hablar de patria en la izquierda es casi tan jodido como salir del armario, y mira que suele ser tortuoso. Pero la realidad es que, una vez que sales, se está bastante mejor.

Coronavirus
Sanitarios organizan la primera protesta de la desescalada en Madrid
El lunes 25 de mayo a las 20 horas trabajadoras y trabajadores llaman a secundar una protesta en las puertas de todos los centros de Madrid
Teatro
Cuando en el teatro se representaba la huelga

La huelga fue protagonista, principal o secundaria, en numerosas obras de teatro escritas y representadas en España en la bisagra entre los siglos XIX y XX. El hispanista Gérard Brey ha analizado en profundidad lo que denomina “teatro de la huelga”, un subgénero hoy olvidado y desaparecido de la escena actual.

África
La comunidad sostiene las vidas vulnerables en Nairobi durante la pandemia

Ante las medidas del gobierno de Kenia por el covid-19, muchas familias que viven al día se enfrentan a graves dificultades para acceder a productos de necesidad básica y a una violencia policial estructural que pone en riesgo su vida.

Últimas

Centros de Internamiento de Extranjeros
CIE de Zapadores, prisión privativa de dignidad vacía por primera vez

La vulneración de derechos, los abusos policiales y la falta de garantías vitales convierten los Centros de Internamiento de Extranjeros (CIE) en espacios de deshumanización. Con la pandemia del covid-19 y la declaración del estado de alarma, todos los centros del Estado han quedado vacíos por primera vez en más de treinta años.

Historia
Vasco Núñez de Balboa y el consenso del pueblo

Las cacerolas que estos días reclaman en la calle Núñez de Balboa el fin de un supuesto golpe de Estado nunca habrían tolerado que un Vasco Núñez de Balboa existiese.