Opinión
Euskal Eskola Publikoa garelako izango dira

Asko hitz egiten ari da egunotan Eusko Jaurlaritzak aurrera atera nahi duen Hezkuntza lege aurre-proiektuaz, eta horrek izugarri pozten nau, gizarte heldua garenaren seinaletzat jotzen baitut.  

Zentzu honetan, alde batetik, Euskal Eskola Publikoaz Harro (EEPH) plataformak egindako lana eskertu beharrekoa dela deritzot, Hezkuntza lege aurre-proiektuaren inplikazioak aztertu, kritikatu eta zabaldu egin dituelako hasieratik Euskal Hezkuntza Publikoaren aldeko defentsa gogotsua eginez; eta bestetik, STEILAS, LAB eta ELA sindikatuak ere eskertu beharrekoak direla deritzot euskal hiritar heldu bezala, haiek egindako greba deialdiengatik ez balitz,  Jaurlaritzatik jada inolako eztabaidarik gabe, gardentasun falta osoz eta euskal hiritarrak artalde otzan adingabea baikinan tratatuz,  gauzatuta egongo litzatekeelako hizpide dugun Hezkuntza lege aurre-proiektu hori.   

EH Bildu se alía con el PNV para blindar la red educativa concertada más grande del Estado y la segunda de Europa

Gessamí Forner

6

País Vasco

Escuela concertada EH Bildu se alía con el PNV para blindar la red educativa concertada más grande del Estado y la segunda de Europa

Gessamí Forner

6

EH Bildu ha propuesto financiar al 100% la red concertada sin cambiar la titularidad de los centros, que podrían seguir siendo privados. La defensa de las ikastolas y las escuelas religiosas han unido a dos partidos supuestamente antagónicos.

Educación en el País Vasco Elkarrekin Podemos pregunta a cuántas escuelas concertadas ha sancionado Educación por el cobro ilegal de cuotas

EEPH plataformak eta aipaturiko sindikatuek Jaurlaritzari leporatzen dioten puntu nagusien artean, sistema duala mantentzearena dago, hau da, zentro kontzertatu eta ikastolen pribilejioak mantentzearena haiei gaur egun jasotzen dutena baino oraindik diru publiko gehiago emanez. Hori dela eta, azken egunotan ikastolen aldeko artikuluak atera dira esanez “Euskal Herriak ikastolak behar dituela biziraungo badu”.  

Euskadiko politikan betidanik izan dugu abertzaletasuna ezker eta eskuinaren banaketaren gainetik. Hau da, garrantzitsuago izan da historikoki guretzat abertzalea izatea, ezkerrekoa izatea baino. Eta horren urruna ez den iragan batetan, horrek zentzu osoa zuela pentsatzen dut: ikastolak sortu ziren garaian, debekatuta zegoen euskaraz mintzatzea, geure kultura eta nortasunari eutsi badiegu hein haundi batetan ikastolek egindako lanari esker izan da. Baina gaur egun egoera oso desberdina da, testuingurua eta zirkunstantziak aldatu egin dira, eta zorionez euskara jartzen ari gara Hezkuntza Publikoaren ardatz. Izatez, Euskal Eskola Publikoan egiten dugun lana, ikastoletan egiten denaren parekoa da. Hainbesteraino non, gaur egun ikastolak eta gure artean dagoen desberdintasun nabarmenenena, - zentro publikoetako ikasleriaren aniztasun soziekonomiko eta kulturalaz gain-,  zentro publikoetan ikastolek baino baliabide askoz gutxiago ditugula da. Jakina ikastolak funtsezkoak izan direla gure Herria egiteko, baina baliteke haien funtzio historikoa jada amaitua izatea.  

Ondorioz, ikastolei ere bihotzez eskerrak emanez egindako lanagatik, haiei bideratzen zaien diru publikoaren iturria mozteko garaia heldu dela pentsatzen dut. Aitzindari izan zarete lehenengo eta ondoren bidelagun itzelak, plazer bat izan da zuekin bidea egitea. Baina orain lekukoa guri, Euskal Eskola Publikoari pasatzea dagokizue. Ikastolak izan zinetelako, gara, eta gu Euskal Eskola Publikoa garelako, izango dira.

PNV y EH Bildu solo recaban el respaldo de la escuela cristiana y de las ikastolas en su blindaje a la red privada

Gessamí Forner

1

País Vasco

Educación PNV y EH Bildu solo recaban el respaldo de la escuela cristiana y de las ikastolas en su blindaje a la red privada

Gessamí Forner

1

Steilas, Comisiones Obreras, LAB, la plataforma Euskal Eskola Publikoaz Harro, Euskalgintzaren Kontseilua, Elkarrekin Podemos-IU y PSE han mostrado sus críticas o reticencias hacia el documento 'Bases para una educación del siglo XXI'.

Pública, por supuesto