Medios de comunicación
Imputado por presunto acoso laboral o director da televisión galega nomeado por Feijóo

O acoso laboral volve á pantalla da televisión pública galega. O Xulgado de Instrución número 1 de Santiago de Compostela abriu dilixencias previas contra toda a cúpula da Corporación de Radio e Televisión da Galicia (CRTVG) en calidade de “presuntos autores dun delito de acoso moral e dun delito contra os dereitos dos traballadores”, segundo relata o documento que se fixo público a comezos desta semana. É o último capítulo dun conflito laboral que foi en crecemento desde que o Goberno de Alberto Núñez Feijóo chegou ao poder no ano 2009. Foi aí precisamente cando o agora líder do Partido Popular colocou a dedo a Alfonso Sánchez Izquierdo como Director Xeneral da corporación e que acaba de cumprir nada menos que 14 anos no cargo.

Alfonso Sánchez Izquierdo, Director Xeneral da CRTVG, acaba de cumprir nada menos que 14 anos no cargo

No documento de dilixencias previas, que adiantou Nós Diario a última hora do venres pasado, constátase que Sánchez Izquierdo non está só. Tamén están querellados a director da área de Innovación e Negocio, Xosé Pereira Fariña; o xefe de servizo de Planificación Informativa, a xefa de Xestión Operativa de Programas da Radio Galega, a coordinadora de persoal da radio, a xefa de Seguridade e Saúde e de Relacións Laborais da CRTVG, a directora de Recursos Humanos e o responsable de Seguridade e Saúde Laboral.

Represión nos medios públicos galegos

Pablo Santiago Elena Martín

1

CRTVG - Corporación Radio y Televisión de Galicia

Folga na CRTVG Represión nos medios públicos galegos

Pablo Santiago ,  Elena Martín

1

Xornada de folga na CRTVG contra a “represión” e a “manipulación informativa”.

Foi unha traballadora do ente público quen presentou unha querela contra todos os altos cargos da Corporación de Radio e Televisión da Galicia e terá que declarar en setembro acompañada pola psicóloga da Oficina de Atención á Vítima e mediante videoconferencia para tratar de evitar a súa victimización secundaria, como require a xuíza no auto de dilixencias previas. Ademais, a maxistrada solicitou un informe do equipo psicosocial do Instituto de Medicina Legal de Galicia (Imelga) para coñecer se a querellante presenta danos psíquicos compatibles cos feitos denunciados perante o xulgado.

TVG: o goberno ten o mando

#eunonmanipulo

CRTVG - Corporación Radio y Televisión de Galicia

TVG: o goberno ten o mando

#eunonmanipulo

Zapeando con Feijoo. Confías nos telexornais?