Historia
Que nos di hoxe a Revolta Irmandiña?

Chega o derradeiro capítulo de Verdades e Mentiras da Revolta Irmandiña. Durante todo o proceso de documentación e de entrevistas con expertos e expertas houbo unha que destacou por riba do resto. Non vai sorprender a ninguén porque é sen dúbida a referencia nesta materia: Carlos Barros.

A entrevista que lle fixo David Gesteira deu tanto de si que decidimos pechar esta serie recuperando as preguntas que respondeu e que deixaramos inéditas.

Un final que conecta memoria, identidade e historiografía, e que pecha Verdades e mentiras da Revolta Irmandiña coa pregunta fundamental: por que seguimos falando hoxe dos irmandiños?

Verdades e mentiras da Revolta Irmandiña é o título que abarca unha narrativa transmedia que conta con dúas canles principais: a audiovisual, enfocado ás redes, e o podcast. Producido por O Salto, CRU e máis Descifrando a Historia, poderás atopar pílulas en vídeo nas redes que funcionan a modo de verificadores de feitos dalgunhas das ideas máis estendidas sobre este episodio no imaxinario popular.

Verdades e mentiras da Revolta Irmandiña está financiado con recursos públicos grazas ao certame Fondo de proxectos culturais Reino de Galicia, promovido pola Deputación da Coruña.