Elecciones
A Xunta ingresa 550 euros a centos de mariscadores galegos a tres días das eleccións

O Goberno da Xunta de Galiza, presidido en funcións polo candidato do Partido Popular, Alfonso Rueda, decidiu executar o pago dunha subvención de máis de catro millóns de euros a mariscadores e mariscadoras galegos a menos de 72 horas de que abran os colexios electorais. Isto é, 550 euros para cada un deles. Unha cantidade que recibiron na tarde deste mesmo xoves. O Goberno en funcións de Alfonso Rueda, a través da Consellería do Mar que dirixe Alfonso Villares tomou a decisión de convocar estas axudas hai apenas unhas semanas como unha maneira velada de tratar de calmar as augas na costa en plena xestión da crise do desastre dos pellets. Trataba de chegar a todos e todas. De feito, o único requisito da axuda era ser titular dun permiso de explotación en vigor para marisqueo a pé de recursos marisqueiros xenerais, para marisqueo a pé con emprego de embarcación auxiliar ou acodes armadoras de embarcacións con permiso de explotación coa modalidade de marisqueo a flote.

De feito, para tratar de sortear as restricións electorais, a propia consellería do ramo reservouse no Diario Oficial de Galiza o prazo de pago: “As resolucións de concesión poderán ditarse sucesivamente a medida que se vaia verificando que toda a documentación que esixe o punto oitavo desta resolución é correcta e está completa”. Casualmente, apertaron o botón de pagar a menos de tres días de que se celebren as eleccións máis axustadas en Galiza, segundo as enquisas, dos últimos 15 anos.

“Cando vin a convocatoria, sabía que ían facelo. Mesmo se molestaron eles en facer a lista de beneficiarios e a cantidade á que tiñamos dereito cada un”, denuncia un deses miles de mariscadores beneficiados en conversación co Salto. “Só había que entrar na Sede Electrónica da Xunta para aceptar o diñeiro. O prazo para solicitar era entre o 5 e o 9 de febreiro e por encantamento cobramos a tres días das eleccións”, engade este traballador do mar de Arousa.

A Xunta encarga a unha empresa de márketing vinculada ao PP parte da limpeza dos pellets

VV.AA.

Desastres ambientales

Desastre na costa A Xunta encarga a unha empresa de márketing vinculada ao PP parte da limpeza dos pellets

VV.AA.

Unha investigación d'O Salto Galiza en base ao achado de audios da empresa, ao histórico de contratos da Xunta e ao relato de testemuñas, revela como o Goberno galego encargou á empresa Silman 97 parte da loxística contra a contaminación.

Contaminación A Xunta ocultou a información da vertedura de microplásticos durante días a institucións e o sector pesqueiro

A expensas de que o Goberno en funcións do Partido Popular publique os datos definitivos, os seus propios cálculos previos á convocatoria sinalaban a uns 7.273 profesionais do sector como potenciais beneficiarios, á mantenta dunha crise grave do sector que reparte responsabilidades entre as fortes choivas, a subida da temperatura da auga pola crise climática, a alteración dos ecosistemas pola apertura de proxectos mineiros e o consecuente descenso de salinidade nas zonas de traballo das rías galegas, onde as plataformas de mariscadores e mariscadoras calculan o 80% de mortaldade en especies como o berberecho e a ameixa.

Galiza precisa máis que nunca un xornalismo libre que estea financiado polas maiorías sociais

O Salto Galiza

O Salto medra contigo

O Salto medra contigo Galiza precisa máis que nunca un xornalismo libre que estea financiado polas maiorías sociais

O Salto Galiza

Depois das eleccións do 18 de febreiro, a deriva conservadora e neoliberal do país continúa. Por iso, ofrecémosche seguir traballando en contidos críticos que fiscalicen o poder político e económico. Para iso, precisámoste. Subscríbete ao Salto.