Balea Cultural
Música, streaming e precariedade

Se algo supuxo a aparición da Internet para a industria discográfica foi unha enorme crise de modelo de negocio.

Spotify
Foto: Spotify
7 abr 2018 12:58

A música en formato dixital comezou a circular pola rede mentres as grandes compañías discográficas aínda seguían a apostar por completo polo CD. Plataformas que permitían a descarga pirata destes arquivos dixitais como Napster comezaron a aparecer a comezos de século mentres aínda non existían verdadeiras alternativas legais e asumibles para mercar música en formato dixital.

A imparable popularización dos iPod nos anos 2000 comezou a deixar claro que o futuro da música non estaría nos discman, senón en pequenos dispositivos que cabían nos nosos petos. De maneira consecuente, a Apple lanzou a iTunes Music Store o 28 de abril de 2003 cun catálogo inicial de 200.000 cancións. O sistema resultaba moi cómodo, xa que permitía transferir de maneira rápida e sinxela estes arquivos aos iPod. Porén algo non remataba de funcionar: o prezo dos discos e das cancións non era moi diferente ao dun CD, e a calidade de son era inferior. A xente atopábase con dispositivos capaces de almacenar miles de cancións e ao mesmo tempo coa incapacidade de poder encher os mesmos con música adquirida de maneira legal sen gastar unha fortuna en arquivos dixitais.

No ano 2006 nace unha empresa sueca chamada Spotify, que en outubro de 2008 comezou a ofertar un servizo de música en streaming en varios países europeos. De súpeto, semellaba que se atopara a fórmula máxica: o streaming permitía escoitar un enorme catálogo de música de maneira legal, rápida e sinxela. A posibilidade de elixir empregar Spotify mediante unha subscrición de pago, que xa resultaba moito máis accesible que mercar música en iTunes, ou unha gratuíta na cal se reproducían anuncios entre as cancións, daba a sensación de que por fin se atopara un sistema capaz de garantirlle a todo o mundo cunha conexión á Internet o acceso á música na rede de maneira legal.

Durante os últimos dez anos o streaming non fixo máis que consolidarse como o sistema preferido pola xente de cara a escoitar música en formato dixital.

Novos competidores sumáronse ao mercado como Apple Music e Tidal. Así mesmo, o prezo das subscricións semellou acadar un punto estable. Polo xeral, unha subscrición premium mensual nos servizos de streaming custa o mesmo que mercar un único disco na iTunes Store. Cada vez temos menos razóns para descargar música de maneira pirata. Porén, segue a haber un problema. O streaming é un sistema que funciona de cara aos usuarios, pero non funciona de cara aos músicos.

Infografía_streaming

É certo que hoxe en día as bandas acostuman máis enfocar seu modelo de negocio a obteren beneficios principalmente a partir de concertos e xiras ou da venda de merchandising e non a través do streaming. Con todo, non hai tanto tempo en que era factible que os músicos cobraran cartos porque a súa música fose escoitada.

De que maneira se pode explicar que os CD ou os cassettes, cos cales existían uns gastos adicionais de produción e distribución, fosen capaces de resultar máis rendibles para os músicos que os arquivos dixitais?

Numerosos artistas recoñecidos fixeron declaracións ao respecto durante os últimos anos. Os membros da banda Grizzly Bear publicaron un twit en 2012 no cal afirmaban que Spotify non é unha mala ferramenta para dar a coñecer a música, mais que dende o punto de vista económico apenas da beneficios. Thom Yorke, líder da banda británica Radiohead afirmou nunha entrevista en 2013 “I feel like as musicians we need to fight the Spotify thing. I feel that in some ways what’s happening in the mainstream is the last gasp of the old industry” (Sinto como músicos temos que loitar contra Spotify. Teño a sensación de que, en certas maneiras, o que está a pasar no mainstream é o último alento da vella industria).

En 2015, o membro da banda Portishead, Geoff Barrow, afirmou "I've got nothing against streaming a record. But I've got a lot against people giving my work away for free" (Non teño nada en contra de ter un disco en streaming. Pero si que teño moito en contra de que a xente regale meu traballo gratis). Máis recentemente, o ano pasado, o músico de Bristol preguntou polo Twitter cantos músicos que o seguían lograran gañar máis de 500 libras con Spotify, recibindo numerosas respostas de usuarios tamén molestos coa política de pago da compañía sueca.

Por se non fose suficiente con que Spotify apenas pague cartos aos músicos, o ano pasado xurdiron certas sospeitas de que a compañía estaba a posicionar cancións de artistas falsos nas súas listas de reprodución, as cales contan con moitísimas reproducións, para evitar terlles que pagar máis cartos aos músicos. Estes artistas falsos acostuman ser proxectos que existen soamente na plataforma Spotify e que non acostuman contar con máis de dúas cancións nos seus perfís, as cales acumulan moi frecuentemente varios millóns de reproducións.

Resulta bastante evidente que Spotify, por moito que os seus executivos tratasen de afirmar o contrario en numerosas ocasións, non se preocupa moito polos músicos. Tampouco podemos negar a realidade, e esta é que, a día de hoxe, o streaming é o sistema de máis éxito á hora de escoitar música de maneira legal. Ante este panorama poderíase formular a pregunta de que podemos facer os usuarios para non fomentar e facilitar a precariedade na industria musical?

En primeiro lugar, aínda que o sistema freemium (gratuíto con anuncios) ofertado por Spotify e outras compañías permitiu democratizar o acceso á música de maneira legal, semella non resultar nada proveitoso para os músicos. As plataformas que contan con servizo freemium e premium pagan máis aos músicos por cada reprodución cando esta é realizada dende unha conta premium. Por esta razón, no caso de que nolo poidamos permitir, apostar pola música en streaming por subscrición axuda aos músicos. Non hai que esquecer que boa parte das empresas que ofrecen música en streaming permiten realizar subscricións en grupo que permiten reducir o prezo da cota mensual ata un cuarto do total. Así mesmo, á hora de elixir que servizo de streaming contratar, buscar información sobre canto paga cada un deles aos músicos, a cal non é moi difícil de atopar, pode ser un factor ter en conta á hora de decantarnos por un ou por outro.

Tampouco debemos de esquecer que a música en formato físico segue a existir. A pesar de que cada ano que pasa o número de CD vendidos se reduce cada vez máis, o vinilo está a vivir unha nova xuventude. Case todos os discos lanzados hoxe en día están dispoñibles en vinilo, e se ben resulta máis caro que escoitar música en streaming, é un modelo de negocio que recompensa verdadeiramente ao artista e permite unha experiencia de escoita moi diferente.

Relacionadas

Balea Cultural
‘Star Wars’: As dúas caras da nostalxia

A historia de como Disney mercou os dereitos da saga de Star Wars sen ter antes unha idea clara de que facer con ela.

Balea Cultural
‘Casablanca’: revisitando o mito
De cando en vez non está de máis visionar de novo un dos grandes expoñentes do cinema clásico de Hollywood.
0 Comentarios

Destacadas

Migración
Entre la legalidad y la utilidad: la política migratoria según el gobierno

Con la intervención del ministro Escrivá el gobierno acaba de perfilar las líneas políticas relativas a migración, asilo y fronteras. Las organizaciones alertan que los derechos humanos de las personas migrantes y refugiadas siguen lejos del centro de estas políticas.    

Palestina
La capital de los balones perdidos

Un cortometraje de producción española mezcla fútbol e ironía para mostrar las consecuencias del muro israelí en Abu Dis, la capital sugerida por Donald Trump para un futuro “Estado Palestino”.

Desahucios
Seis familias de Barcelona se movilizan ante una orden de desahucio abierta

Esta es la sexta orden de desahucio a la que se enfrentan desde que recuperaron el edificio del fondo buitre Vauras Investment en julio de 2017. La quinta orden fue parada por la propia magistrada que se ocupa del caso, ateniendo al nuevo Decreto Ley 97/2019.

Literatura
Sobrevivir a la sombra de las grandes editoriales

Tres editores valencianos con proyectos unipersonales hablan sobre los aspectos menos románticos del trabajo editorial, una dedicación precaria y absorbente situada en las antípodas del emprendimiento aspiracional.

Últimas

Laboral
“Outsourcing” o externalización ruinosa: las ETT 2.0
Diversos colectivos denuncian que muchas empresas sortean los convenios colectivos sectoriales externalizando servicios a través de empresas multiservicios o también llamadas “outsourcing”, lo que lleva de la mano la precarización laboral, devaluación de salarios y contratación temporal y a tiempo parcial.
Fondos buitre
Vecinos escrachan al fondo buitre Ares Management en su sede

Varias decenas de vecinos escracharon hoy a este fondo buitre, dedicado al negocio de la especulación inmobiliaria y que cuenta con múltiples ramificaciones societarias.



Leyes Mordaza
Una multa más se suma a las veinte que ya ha recibido el movimiento feminista en Valencia

La Assemblea Feminista 8M de València explica que la multa llega cuatro meses después de la celebración de un desfile a cargo de la Asamblea Feminista de Benimaclet con motivo del 25N contra las violencias machistas.

8 de marzo
El movimiento feminista de Bilbao convoca cuatro jornadas de movilizaciones para el 8M

Tres ejes políticos marcarán los lemas de 2020: antirracismo, diversidad de cuerpos y sexualidades y feminismo anticapitalista. La red feminista de Bilbao reclamará al Ayuntamiento la apertura de una Casa de la Mujer, avalando colectivamente la propuesta del colectivo Galtzagorri.

Elecciones
Miren Gorrotxategi será la candidata a lehendakari de Elkarrekin Podemos

La candidata pablista ha conseguido imponerse a la lista de Rosa Martínez, avalada por la dirección de Elkarrekin Podemos. Casi 2.800 militantes inscritos han votado en las elecciones a las primarias de la formación vasca.