Balea Cultural
A outra Bauhaus: 40 anos de post-punk dende a ultratumba

Para celebrar as catro décadas do nacecemento de Bauhaus, Murphy e David J. están a realizar unha xira na que interpretan de xeito íntegro o primeiro álbum da banda. Estes concertos están a ser a proba da importancia e o interese que Bauhaus segue a suscitar na actualidade e cada noite congregan a audiencias de idades e gustos moi diversos.

Concerto de Bauhaus
Imaxe dun concerto de Bauhaus. Foto: Pedro Figueiredo
BALEACULTURAL.NET
1 dic 2018 12:30

Cando a xente fala de Bauhaus, o máis frecuente é que se estean a referir á escola de arte e arquitectura fundada en Alemaña en 1919, característica por acoller unha gran diversidade de vangardas e por tratar de favorecer en todo momento o compromiso político e social. Pero haberá outras persoas que ao escoitar o termo Bauhaus pensen primeiro na banda inglesa de post-punk liderada por Peter Murphy.

Comezando a súa andaina como grupo no ano 1978, Bauhaus publicarían o seu primeiro single en agosto do ano seguinte, unha canción de máis de nove minutos, gravada nunha soa toma no estudio, titulada Bela Lugosi’s Dead. Un primeiro single para esta banda que tamén se converteu na primeira canción de todo un xénero, o rock gótico. Aínda que outras bandas que se adoitan relacionar con este estilo como The Cure ou Siouxsie and the Banshees lanzaran discos nese mesmo ano ou antes, o seu son aínda se atopaba enmarcado unicamente dentro do post-punk, sen incorporar aínda os elementos estéticos que definirían ao xénero do rock gótico.

O primeiro single desta banda converteuse na primeira canción de todo un xénero: o rock gótico

Bela Lugosi’s Dead pola contra conta co pack completo. A unha instrumentación misteriosa, sinistra e escura conformada por unha batería sinxela e sen pausa de David Haskins complementada perfectamente co baixo de David J e a expresiva guitarra de Daniel Ash, súmase a voz de Peter Murphy, cantando unha letra referida ao actor húngaro Bela Lugosi, coñecido por interpretar a Drácula na adaptación da novela homónima filmada en 1931, e falecido 23 anos antes da publicación deste single. A canción non entrou nas listas de vendas do Reino Unido pero serviu para comezar a dar a coñecer a banda. A día de hoxe conta con máis de dezaseis millóns de escoitas en YouTube.


O primeiro disco de longa duración de Bauhaus chegou co comezo da nova década. In The Flat Field foi publicado o tres de novembro de 1980 a través da discográfica 4AD. Neste novo traballo a estética do rock gótico mantíñase en todo momento, combinándose cun son moito máis agresivo, distorsionado e disonante. Arrancando co caos sonoro de Double Dare e pechando coa máis melódica Nerves, In The Flat Field ofrece a consolidación do son de Bauhaus, unha evolución do punk, máis escura, con especial mención para a carismática voz de Murphy.

O disco, que desta vez si logrou entrar nas listas de vendas aínda que cunha posición moi modesta, recibiu boas valoracións en publicacións independentes e fanzines, pero foi considerablemente ignorado e desprezado polos principais medios de crítica musical. A revista NME afirmou no seu momento que o álbum contaba con “nove xemidos carentes de significado e do interese máis superficial, un disco que merece todos os adxectivos condenatorios que, polo xeral, apuntan aos modernistas de rostro sombrío”.

In The Flat Field foi publicado o tres de novembro de 1980, recibiu boas valoracións en publicacións independentes e fanzines, pero foi ignorado e desprezado polos principais medios de crítica musical

No seu segundo álbum, titulado Mask (1981) e lanzado un ano despois, a banda explorou novos sons mediante instrumentacións máis variadas, nas que aparecían por vez primeira os sintetizadores ou as guitarras acústicas así como elementos que lembraban ao glam rock e mesmo ao funk. O single Kick in the Eye é o mellor exemplo deste novo son máis variado. A pesar de todo, a música da banda continuaba a ser completamente recoñecible, con cancións como Mask, que se atopan entre as pistas máis escuras de toda a discografía de Bauhaus.

Esta tendencia continuou nos seguintes discos, The Sky’s Gone Out (1982) e Burning from the Inside (1983). Cun son cada vez máis influenciado pola música de David Bowie, a banda chegou a gravar unha versión de Ziggy Stardust que gozou de bastante éxito. Con todo, Bauhaus decidiron separarse no ano 83. Unha semana antes da publicación do seu cuarto disco, David J pechou o concerto celebrado no Hammersmith Palais de Londres dicindo as palabras “rest in peace” antes de abandonar o escenario.


Por sorte, a día de hoxe xa sabemos que esta non sería a fin definitiva de Bauhaus. A banda volveu subir aos escenarios quince anos despois coa xira Resurrection. Os seus directos seguían a manter as súas marcas de indentidade, a enerxía e unha teatralidade perfectamente executada, sempre necesaria comandada pola carismática presenza de Peter Murphy no escenario, a súa impoñente voz e unha hixiene xestual brutal. A banda xuntouse de novo en 2005 cunha actuación no festival Coachella, que comezou con Murphy cantando pendurado boca a baixo dende o alto do escenario.

Esta nova reunión culminaría co lanzamento do último disco de Bauhaus, Go Away White, publicado o tres de marzo de 2008. Este último álbum, o primeiro da banda en 25 anos, está composto por un total de dez cancións gravadas en directo e nunha única toma. Go Away White cumpriu a función de poñer un punto e final definitivo á carreira de Bauhaus tras a súa curta vida nos anos oitenta e a posterior volta entre os mortos en 1998.

A día de hoxe o rock gótico é un xénero que se atopa en boa medida desorientado, resultando por momentos caricaturesco, con destacables excepcións como podería ser o caso de Chelsea Wolfe. Non obstante, a influencia de Bauhaus continúa a estar moi presente en bandas de xéneros moi diversos como poden ser Chvrches, quen lanzaron unha versión de Bela Lugosi’s Dead en 2014, canción que foi sampleada por Massive Attack para a súa pista Small Time Shot Away, e interpretada en directo por Nine Inch Nails e TV on the Radio acompañados polo propio Peter Murphy.

A influencia de Bauhaus continúa a estar moi presente en bandas de xéneros moi diversos como poden ser Chvrches ou Massive Attack

Este ano cúmprense catro décadas dende o nacemento de Bauhaus, e para celebralo, Murphy e David J atópanse realizando unha xira na que están a interpretar o primeiro álbum da banda de maneira íntegra, enchendo salas ao longo do mundo. Estes concertos están a ser a proba definitiva da importancia e o interese que Bauhaus segue a suscitar na actualidade, congregando cada noite a audiencias de idades moi diversas e gustos completamente diferentes.

Ademais, o pasado 23 de novembro publicouse o EP The Bela Session, que recolle as cinco pistas que a banda rexistrou nas sesións de gravacións das que saíu o clásico Bela Lugosi’s Dead, tres delas inéditas ata o de agora. Sen lugar ás dúbidas un lanzamento interesante que permite escoitar os primeiros pasos musicais de Bauhaus antes de converterse na banda de culto que son a día de hoxe.

Relacionadas

Balea Cultural
‘Star Wars’: As dúas caras da nostalxia

A historia de como Disney mercou os dereitos da saga de Star Wars sen ter antes unha idea clara de que facer con ela.

Balea Cultural
‘Casablanca’: revisitando o mito
De cando en vez non está de máis visionar de novo un dos grandes expoñentes do cinema clásico de Hollywood.
0 Comentarios

Destacadas

Elecciones 12 de julio (País Vasco y Galicia)
Elecciones atípicas con resultados previsibles en País Vasco y Galicia

Los límites de acceso al derecho al voto trastornan unas elecciones a las que los gobiernos de Iñigo Urkullu y Alberto Núñez Feijóo llegan con muchas opciones de reelección. El Bloque Nacionalista Galego puede situarse como segunda fuerza en el parlamento. En el País Vasco, EH Bildu se mantendría como segundo partido.

Migración
Colectivos migrantes piden que el debate sobre regularización llegue al Congreso

El movimiento #RegularizaciónYa saluda que Unidas Podemos se posicione a favor de una regularización extraordinaria, y les invita a dialogar para avanzar en la Proposición No de Ley presentada hace unas semanas y rubricada por la formación, una propuesta que consideran más amplia.

Coronavirus
Virus, cerdos y humanos: nuestra adicción a comer animales y sus consecuencias

Entre el 60% y el 75% de todas las enfermedades infecciosas que padecemos los humanos son de origen zoonótico. La comunidad científica alerta de que las epidemias de origen animal, en un 90% de casos relacionadas con nuestros hábitos alimenticios, serán cada vez más comunes.

Racismo
NBA y política, entre la implicación y la ambigüedad

La NBA nunca ha sido ajena a la política nacional e internacional, aunque sí ha sido ambivalente. En algunos casos, el empuje de las estrellas de la liga conduce a la liga a posicionarse; en otros, no hay más que una equidistancia culpable.

Crisis económica
La seguridad jurídica y la “reconstrucción” de la CEOE
Cuando los empresarios hablan de “innovación para salir de la crisis”, lo que vuelven a exigir es que se reduzcan aún más los impuestos a las grandes compañías, que el Estado siga subvencionando sus costes laborales y que se las rescate con fondos públicos.
Editorial
Cuestión de necesidad

Transformar el modelo económico para hacerlo menos subordinado al ladrillo y a la precariedad y mucho más dependiente y volcado en el fortalecimiento de los servicios públicos ha dejado de ser un reto o un horizonte deseable: ahora mismo es una necesida.

Últimas

Urbanismo
El hotel de cala San Pedro recibe un dictamen ambiental negativo
El proyecto, que supondría la construcción de un complejo de casi 600 metros cuadrados con 11 habitaciones y 22 plazas, se considera “inviable”.
Contigo empezó todo
Los españoles antifascistas presos de la Inglaterra antifascista

En 1945, 226 presos españoles que habían pasado por campos de concentración en Francia acabaron siendo acusados por las autoridades británicas de colaborar con los nazis.

Sanidad
Médicos MIR del País Valencià irán a la huelga desde el 21 de julio

El colectivo de Médicos Internos Residentes (MIR) de los servicios públicos sanitarios valencianos anuncia huelga indefinida a partir del 21 de julio.