Tecnocapitalismo vs soberanía tecnolóxica

A tecnoloxía atravesa as nosas vidas (e precisamos construír discursos críticos respecto diso).

Medialab
Tres personas trabajan en Medialab. David Fernández

publicado
2017-11-24 18:36:00

Tecnocapitalismo global. Ata hai apenas dez anos, as principais empresas que dominaban as Bolsas do mundo eran petroleiras, farmacéuticas ou financeiras. O ano pasado, The Economist xa situaba cinco corporacións tecnolóxicas (Apple, Alphabet-Google, Microsoft, Amazon e Facebook) entre as sete empresas globais con maior valor de mercado. Elas son as principais promotoras —e beneficiadas— desta sociedade altamente tecnoloxizada e interconectada, que é concibida como o paradigma de progreso e benestar e que se impón sen apenas contestación en todo o planeta.

Autoras como Shoshana Zuboff chaman a esta realidade capitalismo da vixilancia, un sistema que alimenta e está sostido por unha sociedade da hipervisibilidade e da exhibición: Google define as nosas procuras nun mundo no que a información é poder, Facebook ou Tinder configuran as nosas relacións persoais, Airbnb reconstrúe as normas do turismo e a vivenda e Amazon e Alibaba emerxen como mercados globais de masas.

Neste mundo das smart cities, das quedadas por redes sociais e do activismo dixital, as maiorías estamos nunha situación de crecente desposesión, ficando enormemente limitada a nosa capacidade para incidir nas políticas públicas. A información transita a través de infraestruturas que son privadas, como é tamén privado o sistema de xestión de datos, a organización automatizada dos servizos públicos e a produción dos contidos dixitais (estean estes vinculados aos medios de comunicación ou á ciencia médica, á produción alimentaria ou mesmo á industria militar).

Este é o novo capitalismo: o capitalismo informacional —da privatización dos datos e da vixilancia— e cognitivo —do control do coñecemento baseado na intelixencia artificial—.

O ciclo tecnopolítico do 15m: cara á soberanía tecnolóxica. Este é tamén o momento histórico no que se desenvolveron os movementos que nos últimos anos transformaron a nosa realidade política, desde o 15M ata os gobernos municipais do cambio. E no camiño, a democratización das tecnoloxías xogou un papel fundamental (dende os ensaios coa rede n-1, ou a eclosión dos laboratorios cidadáns, ata as actuais ferramentas de participación e deseño colaborativo en marcha en moitos concellos).

Un papel fundamental, pero insuficiente: o movemento municipalista e, en xeral, as distintas expresións sociais e políticas enfrontadas ao capitalismo, seguen a ter a necesidade de construíren un discurso crítico e propositivo neste eido. Para Gerardo Pissarello, primeiro tenente de alcalde de Barcelona, esta alternativa ten un nome: “conquistar soberanía tecnolóxica para o ben común”.

Laboratorios ciudadanos

E isto como se fai? O pasado mes de outubro reuníronse na Coruña activistas, movementos sociais e institucións locais para traballar sobre o tema dende un enfoque multidisciplinar, no marco do encontro sobre Municipalismo, Autogoberno e Autoxestión (MAC3). Máis aló de partillar a diagnose, trazáronse unhas liñas chave para avanzar no reto, que pasan por volver pór no centro a dimensión política das tecnoloxías e por empoderar á cidadanía para que recoñeza e exercite a súa capacidade de decidir tamén neste ámbito. Indicáronse varios eixos como fundamentais: transitar dende as licenzas privativas e das tecnoloxías pechadas ao software e ao hardware libre; do capitalismo informacional ás comúns dixitais e de datos, controlados polas comunidades que os xeran; das redes sociais corporativas ás redes políticas democráticas, para a participación e a incidencia política; da aceptación acrítica do liberalismo tecnolóxico á construción de relatos críticos sobre as relacións entre tecnoloxía, capitalismo e democracia; da desconexión actual ao establecemento de redes a múltiples escalas (empezando pola intermunicipal) que traballen nestas direccións.

Un reto enorme, pero que xa foi ensaiado con éxito: non esquezamos que Wikipedia, a enciclopedia libre e colaborativa, converteuse en apenas 17 anos de vida no primeiro sitio de referencia do mundo, con centos de millóns de consultas mensuais.

tecnopolítica

O uso das tecnoloxías para a transformación política. Cambio de paradigma. As transformacións que están a operar no ámbito das tecnoloxías non só inflúen —e se retroalimentan— nos mercados globais: condicionan e contribúen de xeito determinante aos actuais procesos de transformación social e nomeadamente, ás plataformas municipalistas que gobernan algunhas das principais cidades do Estado. Todas elas naceron e desenvolvéronse pondo no centro a participación cidadá e a colaboración. Todas desenvolveron espazos híbridos (dixitais e analóxicos) de deliberación e toma de decisións que agora, nas cidades onde se goberna, transcenderon o espazo político para entrar no institucional, ata o punto de transformar o modo no que se deseñan e executan as políticas públicas locais. E os resultados están a ser sorprendentes.

Cidades onde as prácticas verticais e clientelares de distribución orzamentaria levaban décadas enquistadas, como Compostela, Cádiz ou Valencia, contan agora con orzamentos participativos. Os laboratorios cidadáns, abertos e colaborativos, son xa unha realidade funcional e contan co apoio das entidades municipais na Coruña (Co-Lab), Madrid (MediaLab Prado) e Zaragoza (Etopía). E as formas de democracia directa ábrense paso nas diferentes cidades do cambio, tendo como exemplos máis desenvolvidos as redes políticas Decidim e Consul, que xa funcionan en Barcelona e Madrid.

Estamos ante un cambio de paradigma. Un cambio que é aínda moi precario. O relato tecnopolítico non rematou de calar en moitos destes novos gobernos que ademais, se ven encorsetados por unha legalidade que non está actualizada e unha abafante falta de autonomía local, tanto a nivel de recursos como, sobre todo, no relativo á toma de decisións sobre cuestións fundamentais.

dentro e fóra

Todas estas dificultades foron abordadas no Taller de Tecnopolítica do MAC3, onde se identificaron dúas liñas de traballo determinantes a desenvolver nos próximos anos para avanzar na construción da soberanía tecnolóxica dende o local. Por unha banda, dende o “dentro” o deseño de políticas públicas que supoñan a migración a tecnoloxías libres (software e hardware, pero tamén redes, infraestruturas e protocolos libres); o establecemento de políticas de datos que salvagarden a privacidade persoal e garantan o acceso e o control público; e a transformación organizacional (concienciando, capacitando e motivando ao persoal que traballa nas institucións).

Doutra banda, dende o “fóra”, a posta en marcha dun ecosistema de movementos sociais, consultoras, laboratorios e observatorios que estean en posición de acompañar dando soporte e auditando os cambios que se vaian producindo nas institucións. E que presionen para acadar avances. Todo un reto que só será posible afrontar na medida en que establezan redes operativas de coordinación e colaboración intermunicipal. Que produzan colectivamente o relato común da soberanía tecnolóxica.

CO-LAB
Ano de creación: 2016
Participación pública: proxecto da Concellaría de Participación e Innovación Democrática do Concello da Coruña.
Páxina web: colab.coruna.gal

O Co-lab é un espazo de experimentación e colaboración cidadá que dá apoio a proxectos —dotándoos de orzamentos e capacidade— para mellorar a calidade de vida da cidadanía da Coruña. A idea é poñer en marcha un laboratorio aberto de ideas, imaxinadas e construídas pola propia veciñanza, que poidan aplicarse á realidade local e tamén replicarse en distintos momentos e espazos.
En palabras de David A. Lareo, o feito de que “todos os proxectos participantes no Co-Lab sexan de código aberto supón un avance fundamental na construción da soberanía tecnolóxica”. E isto é posible, subliña, porque o laboratorio “garante a replicabilidade e a gobernanza democrática, cun modelo de documentación en aberto dos diferentes procesos”.

MEDIALAB PRADO
Ano de creación: 2002
Participación pública: programa da Área de Goberno de Cultura e Deportes do Concello de Madrid.
Páxina web: medialab-prado.es

Medialab é un espazo aberto á experimentación cidadá que promove, con recursos e potencia, a configuración de grupos de traballo diversos. A través da posta en común de coñecementos múltiples, a colaboración e o acceso a recursos para a fabricación dixital, prodúcense procesos de creatividade colectiva que dan lugar a prototipos con amplo interese social.
É o caso de Autofabricantes, un proxecto que a través da investigación e o traballo colaborativo desenvolve próteses funcionais e de moi baixo custo para nenos e nenas que as precisan, grazas aos recursos da fabricación dixital. Este proxecto apoia a xeración de redes entre comunidades de apoio/fabricación, as familias e o centro comunitario de saúde de Vallecas. Tecnoloxías que crean comunidade e que cambian vidas.

DECIDIM
Ano de creación: 2016
Participación pública: proxecto promovido polo Concello de Barcelona
Páxina web: decidim.org

Decidim é unha infraestrutura dixital para a democracia participativa construída en software libre de xeito colaborativo. Máis concretamente, é unha contorna web que permite crear e configurar un portal ou plataforma web, a modo dunha rede social. O proxecto iniciouse como unha plataforma de participación para o Concello de Barcelona, pero actualmente é usada por máis dunha ducia de cidades. Decidim é exemplo dun modelo emerxente de redes de terceira xeración —“redes políticas”— que marca a súa principal diferenza coas redes sociais no que pode facerse nelas e con elas. En lugar dun Facebook (“libro de caras”), Decidim sitúa no centro da súa construción o vínculo político. Non interpela individuos en rede senón a un “nós”, un “nós” decisivo. Redes que permiten intervir nas institucións, políticas públicas e autoxestión de colectivos sociais.

0 Comentarios

Destacadas

Corrupción
Zaplana y el turbocapitalismo de amiguetes

El exministro Eduardo Zaplana ha sido detenido en el marco de la Operación Erial. Tras más de 25 años en primera fila política y empresarial, se pone el cerco a la actividad de un personaje que saltó a la fama en unas grabaciones en las que aseguraba que le hacía “falta mucho dinero para vivir”.

Big data
Comercian con tus datos y no pagan impuestos

Las multinacionales de la llamada “economía digital” utilizan paraísos fiscales para reducir su factura fiscal, al tiempo que utilizan tus datos para hacer negocio. La Comisión Europea quiere acabar con ello, pero primero tendrá que definir por qué y dónde los tienen que pagar.

Salud mental
Shirley McNicholas: “Las casas de crisis son un buen espacio para explicar los enfoques feministas de salud mental”
La activista feminista Shirley McNicholas lleva más de 20 años coordinando casas de crisis en Reino Unido, una alternativa a la hospitalización en situaciones de crisis.
Venezuela
Para comprender el resultado de las elecciones presidenciales en Venezuela
1

El resultado de las elecciones presidenciales en Venezuela sirve a la performatividad de los discursos en juego: al del Gobierno, al de la oposición abstencionista y al de la que sí se presentó.

Últimas

El Salto
Participa en la II Asamblea General de El Salto el 2 de junio
4

El próximo 2 de junio celebramos la II Asamblea General de El Salto con todas nuestras socias. En esta asamblea deberemos tomar decisiones sobre tres temas clave: la inclusión de un nuevo nodo, la estrategia general para el siguiente curso y las principales apuestas del proyecto para 2018-2019.

Documental
Xavier Artigas: “No somos capaces de relatar algo que nos afecta y no intervenir en ello”

El activista y cineasta Xavier Artigas, codirector de Ciutat Morta y cuyo último proyecto es un documental sobre la muerte de Idrissa Diallo en un CIE de Barcelona en 2012, repasa la trayectoria de la cooperativa audiovisual Metromuster y las opciones del cine como herramienta política.

Multinacionales
Desterrada de Gabón, Veolia acude nuevamente al arbitraje internacional

Después de 20 años de privatización del agua y la electricidad en beneficio de Veolia, Gabón acaba de decidir deshacerse de dicha multinacional francesa. En respuesta, el grupo francés ha recurrido de nuevo a un tribunal de arbitraje internacional, una estructura opaca que, dentro del marco de los tratados de inversión, se encarga de defender los intereses de las multinacionales frente a los Estados.

Precariedad laboral
El sindicato CNT denuncia fraude de ley en las contrataciones de la empresa pública Madrid Destino

Los contratos del personal técnico de los teatros municipales gestionados por la empresa Madrid Destino son irregulares puesto que cubren de manera temporal necesidades estructurales del servicio, según la demanda sindical.

Pensamiento
Abecedario de Hannah Arendt

De la a de Amor mundi a la z de Zôon politikon. Una introducción al pensamiento de Hannah Arendt a través de sus artículos, entrevistas en prensa y textos fundamentales.