Religión
Luis Anxo Patiño: “A sociedade vai en AVE e nós imos en expreso”

O coñecido como ‘cura de Xestoso’ falou no Retrincos de Nós Televisión do papel histórico da igrexa e da educación como vía de emancipación, a propósito da iniciativa da universidade sénior no rural galego.

Patiño cura
O 'cura de Xestoso' Luis Anxo Rodríguez Patiño.

publicado
2019-07-09 10:30

Luis Anxo Rodríguez Patiño é cura –“principalmente” – porque di crer “nese Xesucristo histórico que veu a revolucionar o mundo.” É párroco en diferentes parroquias galegas e desde os anos 70 foi visto con malos ollos desde o que chama ‘Igrexa xerárquica’ polas súas opinións críticas. Patiño protagonizou un dos Retrincos de Nós Televisión:

É a igrexa impermeábel ante os cambios sociais?

Sempre dixen que a sociedade ía moito máis avanzada que a Igrexa. É verdade que ti como autoridade moitas veces non podes avanzar máis que a sociedade e tes que ir adaptándote pero unha cousa é iso e outra que te quedes atrás. Sempre dicía, desde que empecei a exercer, que a sociedade vai en AVE e nós imos en ‘expreso’. A igrexa ten que ler os acontecementos da vida, interpretalos –non segundo a súa visión, aínda que é importante a doutrina da igrexa– pero moito máis importante é o Evanxelio e a palabra de Xesucristo. Xesucristo adaptouse á realidade onde vivía, palpou o sufrimento, palpou a dor, palpou o ‘escrache’ ante Herodes. Cristo non morreu como unha personaxe relixiosa, Cristo morreu pola súa oposición política a Roma.

Unha cousa é a Igrexa xerárquica e outra é a igrexa 'Pobo de Deus', que está traballando e rompendo os cadrís e sendo ‘vapuleada’.

Segue sendo a igrexa a día de hoxe un aparello ideolóxico?
Era moito máis patente antes pero agora ségueo sendo. Antes polo menos, como dicía un comunista: “estamos mellor que nos tempos de Franco”, non porque esteamos mellor se non porque antes sabías quen eran. Agora estamos vivindo unha volta a unha ditadura ‘solallada’ por unha serie de acontecementos que se chaman democracia, que é unha mentira. Pero a igrexa actuou moitas veces como aparello ideolóxico para apoiar o fascismo: a súa teoría, a súa maneira de comportarse, acompañar a unha serie de personaxes... A igrexa foi o aparello máis grande que tivo a ditadura para instaurarse e segue agora porque hai unha serie de personaxes dentro da Igrexa... Que che digo unha cousa: unha cousa é a Igrexa xerárquica e outra é a igrexa 'Pobo de Deus', que está traballando e rompendo os cadrís e sendo ‘vapuleada’. Esa é a verdadeira igrexa de Xesucristo.

Dicía José Martí que a educación nos faría libres. Entendo que concorda con esta visión.
Os xesuítas me deron unha idea moi boa: ti non podes sacerdote se non tes outros estudos que te axuden a ver os comportamentos da xente, xa pedagoxía, socioloxía ou unha serie de estudos que te axuden no teu traballo. A bondade, o voluntariado... é moi bo, pero hai que formarse, pero desde sempre pensei que tiña que formarme. Eu fixen Filosofía, Teoloxía, Dereito, Ciencias Políticas e varios curso de doutoramento, Traballo Social, Psicoloxía e Criminoloxía. Foi porque tiña a idea de ser xuíz, pero toquei cos corpos da xudicatura que estamos vendo que están invadidos polo Opus Dei. Non interesaba un cura que se metera a xuíz.

Vou mencionar a varias persoas para que me digas o primeiro que se che pase pola cabeza. A primeira, o Papa Francisco.
Abriu as portas para que entrara aire fresco na igrexa. Hai algúns que desde fora tentan cerrala. Por moito Papa que sexa tampouco pode tirar con todo ao momento, porque tamén nos pasa a moitos que a queremos  cambiar. Foi unha persoa necesaria.

Núñez Feijóo.
A hipocresía máis grande. O fariseísmo máis grande. Galicia pero sen Galicia. Para o pobo pero sen o pobo.

Netanyahu.
“Padres maltratadores, hijos maltratadores”. Eles foron maltratados, protestaron toda a súa vida e resulta que agora eles son os que máis maltratan e os que máis dano fan á xente.

RETRINCOS: UN ESPAZO DE NÓS TV
Aquí podes ver a entrevista completa que lle fixeron as compañeiras de Nós Televisión. Nela fala sobre o seu traballo na UNED Senior do rural en Xestoso, sobre a homosexualidade na igrexa nos anos 70 ou sobre o celibato.


Relacionadas

Religión
¿Cómo vive un refugiado musulmán su religión en Zamora?

Majad, un refugiado sirio, forma parte de la pequeña comunidad musulmana que vive en Zamora, ciudad donde la población se reivindica católica y el cerdo adereza gran parte de las recetas locales.

Religión
Laicismo y municipio en Montijo

Extremadura Laica participará el próximo 17 de mayo en el acto organizado por Impulsa Montijo, a las 20:00 horas, en la Sala Centinela, en los bajos del teatro municipal.

0 Comentarios

Destacadas

Italia
La dimisión de Conte pone en peligro el deseo de Salvini de un proceso electoral inmediato

El Movimiento 5 Estrellas y el Partido Demócrata se pueden poner de acuerdo para evitar unas elecciones inmediatas en las que el ultra Matteo Salvini parte con ventaja en las encuestas.

Educación
Casi 100.000 firmas para que niños de Melilla que han nacido y viven allí puedan ir al colegio

La falta de empadronamiento, un requisito que no se exige en ningún otro lugar salvo Ceuta, impide a unos 200 niños que viven en Melilla ir al colegio. La Asociación Pro Derechos de la Infancia ha recogido casi 100.000 firmas que piden poner fin a esta discriminación.

Industria farmacéutica
Más de 500 medicamentos con problemas de suministro en España

El desabastecimiento de medicamentos en España ya supone más que una alerta farmacéutica. Son cientos de historias de pacientes sin su tratamiento.

Masculinidades
Terrorismo y masculinidad

M. sale de casa, todo está listo, la adrenalina bulle, no hay marcha atrás. Las armas cargadas, el plan bien meditado: llegó el momento.