Política
Baltar abandona a Deputación de Ourense logo de tres décadas de goberno do clan familiar

Logo dos sucesivos escándalos feitos públicos nas últimas semanas, o actual presidente en funcións da Deputación de Ourense, José Manuel Baltar, acaba de facer público este mércores que non tratará de presidir de novo o órgano de goberno da provincia. Pode dar comezo, así, a fin dun ciclo político que mantivo ostentando ese poder a familia Baltar dende 1987. José Manuel Baltar anuncia que non aspirará a presidir a Deputación de Ourense, logo de herdala do seu pai, José Luis Baltar e que xuntos sumaron 36 anos de goberno.

Ourense e a gaiola conservadora

Manuel M. Barreiro

Elecciones

Ourense e a gaiola conservadora

Manuel M. Barreiro

Para que haxa un cambio o 28M, PSdeG, BNG e Agora Ourense necesitan fidelizar os seus apoios das xerais e autonómicas e mobilizar os electores máis novos.

“Descarto formar parte da próxima corporación provincial. Non tomarei posesión da miña acta como concelleiro de Esgos”, asina José Manuel Baltar nun comunicado feito público a primeira hora desta tarde. “Este paso non diminúe, en absoluto, o meu compromiso por Ourense. Como presidente provincial do PP seguirei loitando como sempre polo futuro desta provincia, con inminente reto de contribuír á chegada do ourensán Alberto Núñez Feijóo á presidencia de España”, remata.

As negociacións entre o seu partido e o actual alcalde de Ourense e populista de dereitas, Gonzalo Pérez Jácome parecen ser decisivas: “Ante a inminente constitución das corporacións locais na provincia de Ourense, e como presidente do partido político que gañou as eleccións a nivel provincial, traballo para formar gobernos populares solventes en todo o territorio. Neste sentido, tamén traballo para facilitar que a Deputación teña un presidente do Partido Popular, a única formación política que participou nas eleccións do 28 de maio cun proxecto provincial a desenvolver para seguir impulsando Ourense”.