Palestina
Vivir para resistir en Palestina

Segundo datos da ONU, existen no territorio coñecido como Cisxordania 19 campamentos de persoas refuxiadas nos cales xa conviven ata tres xeracións.

Dheisheh 1
Unha rúa do campo Dheisheh, en Belén. Cedida por Laylac.

publicado
2018-03-01 11:33:00

Muros repletos de retratos con cadansúa correspondente data escrita en numeración arábigo-índica debaixo. Debuxos de mortos que recordan que as persoas refuxiadas do campo Dheisheh en Belén, Palestina, están vivas. “Aínda que non queiras andar metido en política, no campo non podes. Os soldados israelís chegarán e será imposible que non cheires o gas lacrimóxeno. É o estado sionista quen nos incita a seguir loitando”, conta Naji Owdah, director da asociación Laylac que traballa con e para os refuxiados de Dheisheh.

Este campamento creouse en 1949 coa finalidade de ser o refuxio de 3000 persoas palestinas que tiveron que escapar das súas casas despois da coñecida como Nakba ou catástrofe para o pobo palestino e Guerra da Independencia para os israelís. Na actualidade viven alí máis de 15.000 persoas segundo datos da UNRWA – Axencia das Nacións Unidas para os Refuxiados de Palestina en Oriente Próximo –. 

Dheisheh 2
Muro con retratos en Dheisheh. Sofía Caamaño
Naji leva toda a súa vida en Dheisheh e está acostumado a durmir entre tres e catro horas diarias. “Non podemos descansar, temos que estar alerta. Moitas noites aparecen as cinco da mañá os soldados israelís. Non fai moito, en 45 minutos dispararonlles ata a 14 persoas. Vivimos con medo todos os días”, narra. Ao igual que el, Ammar S. está acostumado a vivir con esa presión: “Eu medrei con tanques ao lado da miña casa”. As malas condicións do campo animáronos a crear Laylac en 2005. A súa misión principal é a defensa dos dereitos humanos das persoas que habitan o lugar ademais de organizar distintas actividades que pretenden crear comunidade e conciencia crítica dentro do campo. “Para min existe unha diferencia fundamental entre vivir para sobrevivir e vivir loitando pola mellora. Se só vives para sobrevivir, por que estar pensando no que sofren o resto de persoas, na guerra ou na xente que morre?”, cuestiona. No campo de persoas refuxiadas Dheisheh non hai ninguén sen fogar. “Aquí todos nos axudamos entre nós. Se che pasa calquera cousa vas ter aos veciños ao teu lado para axudarche no que sexa necesario”, relata. Para Naji, esta conciencia comunitaria dos habitantes do campo contrasta co individualismo que está a colonizar a mentalidade da cidadanía europea: “Alí, en Europa, a xente xa non se preocupa polos demais. Aquí é distinto. Somos unha comunidade e necesitámonos. Necesitamos manternos unidos”.

“Algún día chegará a liberdade. Nós loitamos por Palestina porque somos palestinos pero a longo prazo o que queremos é acabar co sistema imperialista e capitalista”.

Segundo o director de Laylac, o que acontece en Palestina é “unha masacre diaria”. Fala tamén de como o goberno israelí consegue “converter en normal algo que non o é”. Refírese ao ingreso en prisión: “O anormal aquí é que unha persoa nunca estivera entre reixas”. Ammar recorda que cando os israelís o encarceraron polo seu labor de activista el seguía, aínda na cárcere, resistindo a ocupación: “A forza está nun mesmo. Alí dentro eu seguíalle dicindo aos soldados que me podían encerrar, pero que continuaba estando en Palestina”. Para el non existe unha gran diferenza entre unha cela e o territorio en que habita: “Ambas as cousas teñen portas e son os israelís quen deciden se abrilas ou pechalas. No cárcere ou en Palestina estou igual de atrapado. Segue sen haber liberdade”.

Despois de 70 anos de ocupación Naji mantén a esperanza: “Algún día chegará a liberdade. Nós loitamos por Palestina porque somos palestinos pero a longo prazo o que queremos é acabar co sistema imperialista e capitalista”.

Relacionadas

Palestina
El acuerdo del siglo que no pillará por sorpresa a Palestina
Ni las elecciones israelíes ni el plan de paz de EEUU parecen suponer el fin de las violaciones de DDHH de Israel contra la población palestina.
Oriente Próximo
Elecciones en Israel: incertidumbre ante 70 años de adelantos electorales
El próximo martes nueve de abril se celebran elecciones legislativas en Israel, la complejidad de la composición de la Knesset dibuja un escenario incierto.
Palestina
Elecciones israelíes y una Palestina convulsa
La población palestina llega al aniversario de la Marchas del Retorno tras una semana que empezó con bombardeos israelíes sobre la franja. De fondo, las inminentes elecciones en Israel.
2 Comentarios
#9848 4:23 5/3/2018

é un bo informe sobre o problema palestino, hai moitas claves para entender o conflito

Responder
0
0
Toni Blanes 14:56 1/3/2018

Molt bon reportatge!!

Responder
1
0

Destacadas

Racismo
Capirotes blancos
5

La Hermandad de los Negritos de Sevilla fue la primera institución en toda Europa dirigida y sostenida por las propias víctimas de la esclavitud africana. También fue víctima de la apropiación cultural por parte del Ku Klux Klan, que basó su vestimenta blanca en el uniforme de la hermandad.

Cine
Penny Marshall, la mujer de los 100 millones de dólares

A golpe de récords y con el apoyo de algunos de los actores más importantes de los años 90, la directora de cine Penny Marshall demostró que las mujeres también podían ser un imán para la taquilla. Aun así, no se libró de que su carrera quedase abandonada a su suerte cuando a Hollywood dejaron de interesarle sus historias.