O Salto medra contigo
Eles por diñeiro, nós por un futuro mellor: subscríbete ao Salto

A historia deste século en Galiza non poderá ser contada sen poñer o foco principal na forza da loita ecoloxista e veciñal. Ante unha lista inxente de atentados ambientais no noso territorio, desenvolvimos unha capacidade case innata de resistencia, de dignidade e, sobre todo, de organización.

Hai quen pon o corpo arrodeando a Xunta para frear a implantación dunha celulosa que ameaza o corazón xeográfico do país; hai quen pon toda a súa intelixencia colectiva para frear nos tribunais a implantación descontrolada de polígonos eólicos da man do lobby enerxético; hai quen agasalla ao común o seu coñecemento científico para sinalar os danos históricos e potenciais da industria mineira na auga que bebemos; e hai quen, coma nós, vai alí onde ese ferver social aconteza para tratar de rexistralo todo. 

Somos o único xornal en Galiza que non recibe nin un só euro de empresas que atentan contra o medio ambiente. Nin petroleiras nin bancos nin por suposto celulosas

Queremos seguir a contar a nosa historia de resistencia ecoloxista para que ninguén a conte por nós. Por iso, precisamos a túa axuda. Somos o único xornal en Galiza que non recibe nin un só euro de empresas que atentan contra o medio ambiente. Nin petroleiras nin bancos nin por suposto celulosas. Non o aceptamos por principios, aínda que poucas nolo ofrecerían porque saben que non nos poden mercar.

Isto fainos libres para ser honestas e veraces no que publicamos, pero tamén fai que só podamos chegar ata onde a base social que nos sostén queira. Ou sexa, ata onde ti queiras. Como? Pois a través das subscricións, que son o 80% dos nosos ingresos. Eles móvense polo diñeiro, nós por un futuro mellor. Demostrámolo día a día.

Estivemos alí cando quixeron espoliar os nosos recursos naturais para regalarllos ás multinacionais que son as principais responsables da crise climática que todas padecemos. Estivemos alí cando autorizaron a reactivación das minas que envelenan as nosas augas como a de San Finx ou a de Penouta e cando arrincaron o proceso para facer o mesmo coa de Touro. Estivemos alí cando trataron de intimidar o activismo ecoloxista que as enfronta.

Estivemos alí cando se comezaron a producir algunhas das maiores fracturas sociais e fendas medioambientais coa implantación salvaxe da enerxía eólica que arrasa espazos de alto valor ecolóxico, especies en perigo de extinción e ameaza a cada vez menor actividade vital no mundo rural.

Precisámoste para seguir en pé ao carón da veciñanza da Ulloa, de todas as persoas afectadas pola minaría ou pola implantación eólica e contra calquera novo atentado contra o noso patrimonio natural

Estivemos alí cando pleitearon para conseguir manter a fábrica de celulosa de ENCE na ría de Pontevedra, cando trataron de tapar o desastre medioambiental dos pellets transportándonos na historia á peor parte da xestión política da catástrofe do Prestige. Tamén estivemos alí.

'Altri: a sede insostible', un documental sobre os futuros efectos da fábrica de celulosa proxectada na Ulloa

Elena Martín Pablo Santiago

Medio ambiente

Estrea 'Altri: a sede insostible', un documental sobre os futuros efectos da fábrica de celulosa proxectada na Ulloa

Elena Martín ,  Pablo Santiago

Este venres 24 de maio, O Salto e Xarda estrean un proxecto audiovisual sobre como unha multinacional portuguesa pretende destruír recursos naturais e sociais no corazón de Galiza coa creación dunha pasteira dez veces máis grande que ENCE.

Medio ambiente A futura planta de celulosa en Palas de Rei enerva a veciñanza: nin “bio” nin sustentable

E por suposto que estivemos alí cando a connivencia entre a Xunta, Greenalia, ex-altos cargos do PSOE e a multinacional portuguesa Altri fixeron tremer A Ulloa ante a posibilidade da construción dunha celulosa que ocupará a superficie de 500 campos de fútbol até polo menos o ano 2100 e absorverá 46 millóns de litros de auga ao día. Claro que estivemos alí. 

A eles só os move o diñeiro, a nós loitar por un futuro mellor.

Faite socia/o do Salto para axudarnos a contar a nosa propia historia. Chegaremos tan lonxe como ti queiras.