Lei de depredación
As rúas de Compostela énchense para rexeitar a “Lei de Depredación” do PP

Coa traxedia dos incendios moi presente, renace o espírito do Nunca Máis para amosar o rexeitamento social á Lei de Fomento da Implantación de Iniciativas Empresariais en Galicia, coñecida como “Lei de Depredación”.

Lei depredación Galiza_1 — A praza da Quintana enchéuse para berrar Lumes Nunca Máis e dicir non á Lei de Depredación Pablo Santiago

Pablo Santiago

@pablostiago

publicado

2017-10-22 14:25

O pasado luns, o Partido Popular fixo valer a súa maioría absoluta no Parlamento para aprobar a Lei de Fomento da Implantación de Iniciativas Empresariais en Galicia, coñecida como “Lei de Depredación”. Este domingo, coa traxedia dos incendios ainda moi presente, milleiros de persoas ateigaron as rúas de Compostela en rexeitamento á nova lei.

Lei depredación Galiza_2 — Cabeza da manifestación contra a Lei de depredación Pablo Santiago

A manifestación foi convocada pola Plataforma contra a Lei de Depredación de Galiza, da que forman parte ADEGA, ContraMINAcción e distintas asociacións ecoloxistas e sociais. Para a Plataforma, a lei aprobada fará “practicamente imposíbel” defender o patrimonio ambiental galego. Ademáis, a Plataforma considera que a lei busca “desregular ámbitos como o eólico, forestal, mineiro” e constitúe a “aprobación de varias leis nunha, tratando de eliminar calquera debate público sobre temas que requirían dun amplo consenso social e político”.

Lei depredación Galiza_3 — Un representante do corpo de bombeiros suxeita unha pancarta na Quintana Pablo Santiago

Malia que houbo presenza de membros dalgúns deputados da oposición, na manifestación unitaria foron protagonistas as organizacións sociais, sindicais e ecoloxistas, que protestaron contra a mina que pretende instalarse en Touro ou o proxecto do Porto Cabral en Vigo.

Lei depredación Galiza_4 — Multitude ateiga a Praza da Quintana contra a 'Lei de Depredación'. Pablo Santiago

Trala concentración na Alameda a protesta dirixiuse cara a rúa do Hórreo para rematar na Quintana, totalmente ateigada. Ao pé das escaleiras da praza, colocáronse bolsas con cinzas dalgúns dos incendios. Alí, o director e dramaturgo Quico Cadaval e a actriz Isabel Risco leron un manifesto contra a 'Lei de Depredación' e contra o goberno da Xunta, á vez que reclamaban unha nova política forestal. Vivíronse tamén dous momentos especialmente emotivos: o primeiro, cando un grupo de bombeiros forestais se situou entre aplausos nas escaleiras da Quintana e instantes máis tarde, o minuto de silencio gardado polos milleiros de persoas que enchían a praza.

Lei depredación Galiza_5 — A manifestación desbordou a Praza da Quintana Pablo Santiago

Coa traxedia dos incendios da semana moi presente, o berro “Nunca Máis”, en referencia aos lumes, foi un dos máis repetidos pola cidadanía o día de hoxe. Ademáis, escoitáronse críticas á política forestal levada a cabo pola Xunta nos últimos anos e berros pedindo a dimisión de Alberto Núñez Feijóo e da Conselleira de Medio Rural, Ángeles Vázquez. Reclamáronse medidas como o fomento de especies autóctonas e denuncias da actividade de ENCE. Ademáis, tamén houbo protestas contra a cobertura dos medios públicos galegos a pasada fin de semana ao berro de “TVG manipuladora”.Vídeo do Colectivo Lentes Diverxentes.

Relacionadas

Medio rural

Malos ventos para a Ribeira Sacra

Moncho Varela

A instalación de dous parques eólicos en Paradela ameaza a Ribeira Sacra, candidata a convertirse en Patrimonio da Humanidade.

Lei de depredación

Tecidos pola defensa da terra

Raquel C. Pérez

Plataformas veciñais galegas traballan por un rural vivo. Nacen a partir do rexeitamento a proxectos extractivistas, de grande impacto no medio natural e escaso na economía local. En rede, loitan contra o crecemento económico a calquera prezo.

Medio ambiente

"A nosa terra e o noso mar están máis en perigo ca nunca"

Pablo Santiago

O 1 de decembro as Marchas da Dignidade, da man da plataforma Mina Touro-O Pino NON, chegan a Touro para "defender a terra e contra a estafa eléctrica”.

0 Comentarios

Comentar