Laboral
Médicos sen Fronteiras despide unha empregada con 12 anos de experiencia que denunciara prácticas abusivas
CNT Galiza conseguiu que o Tribunal Superior de Galicia declarase abusiva e, polo tanto, nula a cláusula de obxectivos dos contratos de Médicos Sen Fronteiras.
A dirección de Médicos Sen Fronteiras (MSF) despediu a unha delegada sindical da Confederación Nacional do Traballo (CNT) en Madrid, un despido que se suma ós oito producidos en Galicia por mor da denuncia interposta polos compañeiros de CNT no territorio pola cláusula de obxectivos do cadro de persoal de captación.
A muller levaba doce anos traballando en Médicos Sen Fronteiras, en concreto na captación de socios a pé de rúa, e era ademais asociada á ONG, cando fai dúas semanas lle chegou a notificación de despido. A dirección da organización alega un informe “desfavorable” sobre o seu suposto rendemento, malia que a CNT asegura que este informe presenta información “contraditoria”, segundo explica a El Salto a sección sindical de MSF en Madrid. Trala notificación, avogados de CNT valoran a interposición dunha demanda para pedir que este despido sexa considerado nulo.
As mesmas fontes explican que, trala campaña #ElLadoOscuroDeMédicosSinFronteras que tivo lugar onte en apoio á compañeira despedida, agarda que a dirección acceda a reunirse con eles, pese a que “desde que se creou a sección nunca nos recoñeceron, e nin sequera contestan aos nosos correos”.
Ademais, o antecedente de Galicia lévaos a pensar que o despido desta traballadora é un “golpe na mesa” tralo cal poden ir outros despidos de persoas que se significaron nas denuncias das condicións abusivas dos contratos.
En novembro de 2018, a sección sindical en Madrid interpuxo unha demanda contra MSF pola cláusula de obxectivos, unha estratexia que utilizara CNT en Galicia, e coa que conseguiron que o Tribunal Superior de Galicia declara abusiva e nula por impor unhas ratios imposíbeis de cumprir. O máximo tribunal de Galiza ditaminou que os contratos laborais, que obrigan á captación de 24 novos socios por mes, son abusivos, polo que ordenaba eliminar as cláusulas de produtividade.
CNT aclara que o único obxectivo desa cláusula é garantir á empresa o despido a custo cero e sen preaviso, o que provoca unha alta taxa de rotatividade nos postos de traballo e aumenta a precariedade no sector.
Relacionadas
Para comentar en este artículo tienes que estar registrado. Si ya tienes una cuenta, inicia sesión. Si todavía no la tienes, puedes crear una aquí en dos minutos sin coste ni números de cuenta.
Si eres socio/a puedes comentar sin moderación previa y valorar comentarios. El resto de comentarios son moderados y aprobados por la Redacción de El Salto. Para comentar sin moderación, ¡suscríbete!
