Incendios
O tráfico ferroviario entre Madrid e Galiza seguirá suspendido ata novo aviso polos incendios
A conexión ferroviaria de alta velocidade que une Madrid con Galiza permanecerá interrompida durante este luns 18 de agosto, estendendo a suspensión do servizo por quinto día consecutivo, a causa dos incendios forestais que asolan o país.
Segundo comunicou Renfe mediante a súa conta oficial na plataforma X, a interrupción afecta especificamente ao tramo comprendido entre Sanabria e Ourense. Como consecuencia, todos os servizos ferroviarios programados entre o territorio galego e Madrid quedaron anulados ata nova orde.
A compañía ferroviaria sinalou que irá reavaliar as condicións ao longo do día para proporcionar información actualizada sobre o restablecemento do servizo. A xornada anterior, a operadora decidiu suspender “de forma definitiva” a circulación debido ao “deterioro das condicións” provocado polos lumes forestais.
A empresa estatal reiterou o seu compromiso cos usuarios afectados, informándolles da posibilidade de modificar ou cancelar as súas reservas sen custo adicional ningún cando os seus trens fosen suprimidos.
Como medida paliativa ante a situación xerada pola propagación dos incendios, Renfe programou servizos extraordinarios para a data actual no corredor Madrid-Zamora. Estes combois especiais partirán da capital ás 13.20h e 20.23h, mentres que os servizos de retorno desde Zamora están programados para as 14.36h e 22.00h.
Relacionadas
Para comentar en este artículo tienes que estar registrado. Si ya tienes una cuenta, inicia sesión. Si todavía no la tienes, puedes crear una aquí en dos minutos sin coste ni números de cuenta.
Si eres socio/a puedes comentar sin moderación previa y valorar comentarios. El resto de comentarios son moderados y aprobados por la Redacción de El Salto. Para comentar sin moderación, ¡suscríbete!
