Incendios
Incendios Galiza: sospeitosos en motocicleta

Arden Galicia e as redes. Esta fin de semana rexistramos 80 lumes nas catro provincias. Pontevedra leva a peor parte. A Xunta de Galicia sinala a "intencionalidade" dos lumes, e a policía sospeita dos ocupantes dunha moto negra detidos en Coruxo e dun vehículo azul en Betanzos. 

O vento non está axudando. Meteogalicia advertía contra as oito da tarde na súa conta de Twitter que "o episodio de ventos fortes durará ata as 02-04h da madrugada, cando está previsto que comece a chover polo litoral atlántico". Porén, o servizo de informacións meteorolóxicas da AEMET comunica que a choiva non chegará ata as 6 da madrugada.

El Castro empezó a arder ya... Están arrasando Vigo... #ArdeGalicia pic.twitter.com/B1MgsI5TH7

— W O N H O (@Devans7_) 15 outubro 2017

 

O sistema de avisos de Meteogalicia (actualizado ás 8:15h da mañá do domingo) sinalaba que o paso do furacán Ophelia polo Atlántico no seu camiño cara a Irlanda traería ventos de forza 7-8 no litoral atlántico e refachos de vento do sur de 70-90 km/h na franxa costeira e zonas altas.

Toda Galicia está ardendo, con lumes en todas as provincias e máis de trinta focos. O sur da comunidade está levando a peor parte. Unhas dúas mi persoas, a totalidade da poboación de Vincios, ao sur de Vigo, está desaloxada. Agardan fora das casas que pase esta noite. Alberto Cuvelo, presidente da Comunidade de Montes Veciñais de Vincios comenta a situación: 

"Estamos todos pendentes da vaga de incendios. Isto é algo fora do normal. Vincios quedou arrasado na súa totalidade polo lume. Estamos pendentes da marxe do lume preto das casas, en cada barrio hai veciños aguantando do lume nas partes baixas. 

Agora mesmo está todo o mundo fora das casas agardando que o lume non chegue á parte baixa. Os efectivos están moi dispersados porque andan por todas partes. Nesta zona fomos os veciños quen aguantamos do lume, pero o vento non axuda e faremos guardia toda a noite. Afortunadamente case non temos animais na parroquia. Quixemos poñer a salvo os do monte, pero estaban descontrolados.

 

Agora mesmo o lume está marchando cara Vigo por Valadares abaixo. Estamos desde a mañá que chegou o lume desde Morgadás e cruzando vilas e parroquias chegou a Vincios. O lume pasou por Zamáns e chegou á universidade (CUVI). Agora mesmo o lume está no cumio do Alto de Cepudo en Valadares". 

A situación en Vigo e arredores

O Campus da Universidade de Vigo está asediado pero baixo control. O cancelo #ArdeGalicia da conta da situación agora mesmo en Vigo, Baiona ou Nigrán. 

O pavillón de deportes de Panxón pide axuda para acoller ás persoas desaloxadas dos incendios da zona. En Nigrán, a Casa Colorida anuncia que teñen camas para 30 persoas e o espazo dispoñible para que o que se precise, no seu local da rúa Rosalía de Castro 16. 

Aviso de Manuel de Lorenzo @October__Lee Fan falta mantas e auga no pavilhón de Panxón para familias desaloxadas. Compartir e axudar, porfa

— Xosé Collazo Castro (@BoeiroNovo) 15 outubro 2017

O refuxio de animais de Ponteareas precisou persoas voluntarias para acoller os cans antes de desaloxalo, e en Amorín (concello de Tomiño) están facendo un chamado en Facebook pedindo colaboración. Precisan mantas, auga ou comida. 

Cuvelo remata: "Non entendemos moito estes lumes, son un pouco estraños. Primeiro hai que pasar isto pero despois hai que avaliar por que se producen estes lumes."

Na Casa Colorida en Nigrán, Rosalia de Castro 16 temos camas para 30 px.Calquer cousa podesdes chamar o 680333725 ou 615587557 #Ardegalicia

— Mia Hirashi (@miahirashi) 15 outubro 2017