Elecciones
Cazan monxas dun asilo en Vigo levando anciáns a votar coa papeleta na man

Varias monxas foron pilladas por veciños de Vigo colocándolles a papeleta na man ás aforas do colexio electoral do barrio de San Roque a persoas maiores con apenas mobilidade. A imaxe foi capturada por veciños e veciñas que denunciaron publicamente os feitos.

Os feitos, denunciados polos veciños como carretaxe, ocorreron na rúa Couto de San Honorato sen que transcendese aínda algunha denuncia por parte dos representantes e apoderados dos partidos políticos. O termo ‘carretaxe’ utilízase para describir a práctica de levar persoas, especialmente anciáns, monxas ou persoas con discapacidade, en autobuses ou coches ata os colexios electorais con papeletas preseleccionadas en sobres, facilitando así a súa participación no proceso de votación.

Esta práctica, xeralmente asociada ao PP en Galiza, foi obxecto de denuncias recorrentes en cada elección. Por exemplo, durante as eleccións pasadas no asilo das Hermanitas de los Ancianos Desamparados en Lugo, incluso colocando as papeletas nos petos dos anciáns.