Culturas
Algunhas citas autoxestionadas para un verán cultural

Non reciben cuantiosas subvencións e tampouco teñen lugar nas urbes galegas. Repasamos algunhas citas estivais coa cultura que vos permiten gozar a prezos populares fora dos circuítos convencionais. Un abano musical con ventos para todos os gustos: dende o pop ao metal pasando polo tradi ou polo indie.

Público do festival Arteficial na praza de Buján de Ribadavia (Ourense)
Público do festival Arteficial na praza de Buján de Ribadavia (Asociación Cultural Arteficial)

publicado
2019-07-17 12:00

Xullo

Basticore (19 e 20 en Bastiagueiro)
Décima e derradeira edición deste encontro de música independente que se celebra no skatepark de Bastiagueiro, ao carón da praia. No bandcamp do Basticore tedes a lista de reprodución desta e das anteriores citas para ir abrindo orella. O 19 de xullo a Casa da Silva acollerá un mercado de autoedición, pinchada e os concertos de Black Coffe Band e Black&Blue. O sábado poderedes escoitar a Copa Turbo, Romance Banda, Cloaca, Mounqup, FAVX e mover as cadeiras coas pinchadas de Rapariga Dj e The Conas Dj.

Asnot (24 en Padrón)
A versión máis gamberra de Ascot é tamén unha declaración de amor ao burro, protagonista central desta cita. Unha excusa para rescatar as pamelas, os sombreiros de copa e as mellores galas do fondo do armario. Alén do xa internacionalmente famoso “derby asnal” haberá actividades para a pequechada, mercadiño e concertos.

Loro Facu (27, 28 e 29 en Miño)
Dúas rapazas e un rapaz de Miño comezaron a organizar esta cita en homenaxe ao loro Facundo. Ademais dun cartaz que inclúe a bandas como Toundra, Guadalupe Plata ou Mujeres, haberá espazo para a poesía co recital de voces galegas “Non quero rosas”. Conta tamén con mercadiño e un espazo gastronómico. O abono dos tres días ten un prezo de 20€.

Agosto

Festival Reina Loba (8, 9 e 10 en Os Blancos)
Impulsado polo Espazo Matrioska, colectivo artístico afincado nesta localidade da comarca da Limia. Grazas ás campañas de micromecenazgo que organizan podedes gozar gratuitamente de tres días de música, obradoiros, charlas e proxeccións. A acampada tamén é de balde e recoméndase gardar tempo para ir de ruta pola zona. Os escenarios feitos a man acollerán a música de Mounqup, o dúo Caamaño-Ameixeiras, Club del Río ou o Combo Guanabi.

Osa do Mar (14, 15, 16 e 17 en Burela)
O festival xa non se celebra na Marosa, senón en distintos espazos da vila, mais este animal continúa a ser o símbolo do encontro. As bandas repártense por diferentes recunchos e salas da vila, e Carolina Durante, Los jinetes del Trópico, Ortiga ou Kokoshca son algúns dos nomes do cartel. A maiores este ano o festival descentraliza parte da programación e Burela poderá gozar de concertos de balde os días 1, 8, 11, 18, 22, 25 e 29 de agosto.

Festival As Nosas Músicas (14 en Couso, A Estrada)
Un dos encontros de verán coa música tradicional. A asociación A Xesteira argalla este festival que xa vai pola súa 24ª edición. Os Melidaos, Os da Porfía, o Comando Curuxás ou Os Campantes da Baña son algúns dos grupos convocados para armar a festa. Entre os obradoiros da tarde poderedes asistir a un pensado para aquelas persoas que queiran aprender uns primeiros puntos antes de botarse a bailar. A Xesteira ofrece zona de acampada e foliadas até que saia o sol.

Festival Ao Compaz (16 e 17 en Saumede)
Festa organizada pola asociación El Pueblo Saumede, un grupo de persoas que procura “servir de punto de encontro para a cultura fóra do comercial”. O 16 de agosto a programación correrá a cargo do colectivo La Melona, coa presenza de Trifulca, Las Cruzes e Elba e Yuraq Walla. O sábado continuará cun concurso de petanca, obradoiros e pechará coas actuacións de señor Anido, Mundo Prestigio, Mounqup e distintas pinchadas. Saumede conta con zona de acampada gratuíta e na súa páxina de Facebook dan consellos para chegar á zona, compartir carro e recomendacións para xantar.

Festival Agrocuir da Ulloa (30 e 31 en Monterroso)
O Agrocuir abandona o seu espazo habitual, a granxa Maruxa, para desprazarse á vila de Monterroso. Cita referente da diversidade sexual e afectiva no rural que busca poñer en valor e fortalecer os lazos comunitarios da zona na que se celebra. A praza do Froito, o souto do Caracacho, a Área Natural da Peneda e o propio Monterroso énchense de concertos, obradoiros, actividades para a rapazada, teatro e postos de comida e artesanía.

Actualidad LGTBIQ+
O movemento LGTBIQ no rural galego
A sexta edición do Festival Agrocuir da Ulloa, un evento que xerou un punto de inflexión na visibilización da diversidade sexual no rural galego.

Entre Bateas (30 e 31 na Pobra do Caramiñal)
O colectivo “Xente ás leiras” botou a andar este festival, dedicado ao hardcore, o metal e o rock. Poderedes acampar na zona e escoitar de balde a Toundra, Koma, Escuela de Odio ou Aphonnic na praza Maio (non esquezades a roupa de baño na casa). Ademais, o colectivo organiza un percorrido musical en catamarán o venres 30, que este ano conta coa banda Sabela King& The Heartbreakers. As entradas, a un prezo de 30€, inclúen un xantar e unha cata de viños.

Festival de Poesía no Condado (31 en Salvaterra de Miño)
Encontro estival centrado na poesía, a súa 33ª edición fai homenaxe ao “internacionalismo e ternura dos povos”. Xespi, Quico Valeiras, Lara Rozados, Laura Ramos, Luz Pichel, Xiana Arias, Margarita Ledo, Carlos da Aira e Iolanda Zúñiga levarán os seus versos ata Salvaterra. Na banda musical, poderedes a Sés, Cinta Adhesiva, Flow de Toxo ou Familia Caamagno entre outros. Teatro, exposicións, palestras ou actividades deportivas completan o cartel.

Setembro

Arteficial (7 en Ribadavia)
“A música non pode non ser” é o lema desta romaría musical e artística no corazón do Ribeiro. Encontro organizado por xente nova da comarca con moitas ganas de facer cousas. A súa lista de reprodución amenizaravos a espera até setembro. No cartel: Chicharrón, Ambre, Lois ou Trajano!. A maiores, espazo para os postos de artesanía e gastronomía. Moi recomendable dar un paseo pola vila, poñer os pés a remollo á beira do Avia ou reservar tempo o domingo para unha ruta pola comarca. Preguntade á xente da organización, as súas recomendacións pagan a pena.

FestiVal das Brétemas (28 e 29 en Ponteareas)
Impulsado por unha asociación de persoas mozas de Ponteareas, este festival fai unha aposta “pola defensa, apoio e difusión da cultura, música e lingua galega”. A oitava edición leva por lema “Atravessadas” e contará cun mercadiño, obradoiros e concertos de artistas do país.

Relacionadas

Música
Califato¾: la cinta que une pasado y futuro

Música andaluza sin complejos, dándole la vuelta a los estereotipos en un viaje analógico-digital en el que les acompañamos durante un ratillo.

Música
“Baiuca ten un punto comunitario”
Baiuca é unha das sensacións musicais do momento. O proxecto de folktrónica está a exportar internacionalmente a renovación de composicións populares.
Música
La copla cautiva

La maquinaria propagandística de la dictadura usó la copla, que significativamente rebautizó como “canción española”, para la construcción de una artificiosa identidad nacional. Pero en el género sobrevivió también la perspectiva “femenina”, popular y jalonada de disidencia de género.

4 Comentarios
#37558 8:52 23/7/2019

O "Asnot" de autogestionado nada. É umha vergonhenta festa organizada polo concelho no que o maltrato animal está no centro de todas as actividades. Compria bem um boicot por parte dum jornal como o Salto!

Responder
0
0
Miguel Anxo 18:36 22/7/2019

Desculpen mais a autoxestión non é simplemente que sexan un evento organizado por una asociación ou grupo de persoas e algo mais. Na autoxestión non se busca o lucro cobrando por entrar e as actuacións. Exposicións etc nomestan suxeitas ao que deciden os organizadores. Penso que seria bom non deturpar o significado das palavras polo ben dos movimentos de base. Un saúdo

Responder
0
0
#37410 2:50 20/7/2019

Falta o veranearte de Escuma en Ourense que levan xa, 10 años! (escua.org)

Responder
1
0
#37253 15:42 17/7/2019

Os grandes periódicos estatais silencian a exclusiva de ‘Público’ sobre o CNI e o imán de Ripoll

Responder
0
0

Destacadas

Brasil
Las causas políticas detrás de los incendios en el Amazonas

Desde hace semanas, la región tropical más grande del planeta está en llamas. Entre enero y agosto, el número de incendios ha aumentado un 145% en comparación con el mismo período en 2018.

Palestina
Asentamientos israelíes, ciudad de vacaciones

El turismo en los asentamientos ilegales de Cisjordania promovido por el Gobierno israelí y empresas como Airbnb, Booking, TripAdvisor y Expedia perpetúa la expansión de las colonias y contribuye a normalizar la ocupación en Palestina.

Medios de comunicación
Vázquez Montalbán, periodista

Escribir deprisa, masticar despacio. El periodista Manuel Vázquez Montalbán (Barcelona, 1939-Bangkok, 2003) sigue siendo una referencia en el periodismo popular y en el discurso de la izquierda política no dogmática y zumbona. Su obra periodística, que fue compilada en 2011 por la editorial debate, y la reciente reedición de su ‘Diccionario del Franquismo’ son el pretexto para recuperar fragmentos de reportajes y crónicas que marcaron su tiempo y nos permiten mirar al nuestro con mucha menos ira y algo de tino.

China
Xinjiang, China y los medios de comunicación occidentales

Tras la repercusión que tuvo hace unos días la entrevista a Carl Zha sobre las protestas en Hong Kong, El Salto publica una segunda parte sobre la China contemporánea, en esta ocasión sobre el conflicto en Xinjiang.

Enteógenos
La ayahuasca se abre camino en Occidente como cura de adicciones y depresión

Utilizada por comunidades indígenas amazónicas desde hace milenios, el potencial terapéutico de la ayahuasca comienza a abrirse camino en Occidente.

Movimiento antiglobalización
El pacifismo vence al miedo en la contracumbre del G7

Más de 15.000 personas han acudido a la contracumbre del G7 para protestar ante la visita de altos mandatarios internacionales como Donald Trump o Angela Merkel.

Últimas

Ecofeminismo
¿Por qué molesta Greta Thunberg?
Asististimos una virulenta reacción contra Greta Thunberg que ignora deliberadamente el espacio Fridays for Future, niega el cambio climático y tiene su buena dosis de machismo