Solidariedade coas multadas nas protestas polo desaloxo do Escarnio e Maldizer

O sábado 2 de decembro o Centro Social A Gentalha do Pichel de Compostela acolleu unha xornada solidaria coas persoas represaliadas en xuño durante as mobilizacións en protesta polo desaloxo do CSOA Escarnio e Maldizer.

Xornada de solidariedade coas multadas nas mobilizacións do desaloxo do CSOA Escarnio e Maldizer_2
Rolda de prensa o pasado sábado día 02 de decembro no CS A Gentalha do Pichel. Galiza Contrainfo

publicado
2017-12-04 09:52:00

O pasado día 10 de xuño, durante as mobilizacións de rexeitamento ao desaloxo do CSOA Escarnio e Maldizer, uns centos de persoas deciden ocupar simbolicamente o patio do antigo colexio privado Peleteiro, situado unha céntrica rúa do ensanche compostelán. Esta acción simbólica saldouse con multitude de persoas feridas e identificadas após unha desproporcionada intervención policial contra as manifestantes. Como resultado de todo iso, meses despois unhas 115 persoas recibiron multas entre os 200 e os 800 euros.

Unha representación da asemblea das persoas multadas deu unha rolda de prensa o pasado sábado día 2 de decembro no Centro Social A Gentalha do Pichel. Lembrando as mobilizacións da pasada primavera no marco do desaloxo do CSOA Escarnio e Maldizer, as dúas portavoces insistiron na “brutal actuación policial” contra persoas que “tiñan unha actitude totalmente pacífica” durante a ocupación do patio do antigo colexio Peleteiro.

Foron ameazadas, apancadas, insultadas, vexadas, identificadas unha por unha e algunhas enviadas á comisaría

As forzas policiais “gabearon até a altura da porta principal do colexio para disparar dalí varias bolas de borracha e botes de fume para dentro, xerando así unha situación totalmente gratuíta de risco, tensión e pánico nas persoas que alí estaban” denunciaron. Durante o desaloxo das manifestantes que permanecían no patio do Peleteiro éstas foron “ameazadas, apancadas, insultadas, vexadas, identificadas unha por unha e algunhas enviadas á comisaría”, continuaron.

Xornada de solidariedade coas multadas nas mobilizacións do desaloxo do CSOA Escarnio e Maldizer_1

Segundo o comunicado que leron as portavoces durante o acto, “o único que conseguiu o Estado español con estas medidas punitivas é incrementar o tamaño da rede de solidariedade contra a súa represión e activar unha asemblea de multadas que, se callar, facéndonos máis fortes, sirva como semente de novas okupacións que volvan encher de vida o baleiro ao que a máquina capitalista nos condena”.

Á xornada solidaria coas persoas multadas proseguiu cunha sesión vermú que contou coas actuacións de Zurraspa e Lamprea explosiva. Logo do xantar e dunha mesa de debate, botou andar unha manifestación que percorreu as rúas do centro da cidade sen presenza policial. A mobilización rematou coa lectura dun comunicado diante do espazo que durante anos fora o Centro Social Ocupado e Autoxerido Escarnio e Maldizer, hoxe en situación de total abandono. Á noite, os grupos musicais Dakidarría en acústico, Punkiereteiras, Mulheres na batida e unha batalla de DJ’S puxeron punto e final á xornada, que tamén tiña por obxecto recoller achegas para afrontar a represión económica.

2 Comentarios
#5699 20:39 29/12/2017

Há eventos a miúdo em vários sítios do pais onde podes vir curtir das palestras, concertos e jantares (além dumhas rifas maravilhosas com miles de prêmios por apenas um pavazo!!! :P )

Responder
0
0
#4097 17:12 4/12/2017

¿Hay un fondo solidario para ayudar a pagar multas y gastos de defensa?

Responder
2
0

Destacadas

Uber
El Ayuntamiento de Madrid lleva ante la CNMC la oferta de Uber y Cabify

El ayuntamiento de Manuela Carmena pide a la CNMC que determine si la oferta de Uber y Cabify no infringe las leyes de la libre competencia contra el sector del taxi.

Residuos
Detrás de las llamas: 176 incendios ponen en jaque el negocio del reciclaje en España

Con el fuego en El Ejido ya son diecinueve nuevos altercados en las plantas de reciclaje desde la apertura de la investigación de la Fiscalía en marzo. La reiteración de los acontecimientos y la acumulación de residuos sin posibilidad de reutilizarse ni salida en el mercado agravan la crisis de gestión.

Universidad
Víctor Sampedro: “Los ‘mastergates’ revelan mucho más que la corrupción de la URJC”

Víctor Sampedro, catedrático de Opinión Púbica en la Universidad Rey Juan Carlos (URJC), habla sobre la situación de la universidad en el marco de los casos sobre los másteres de cargos políticos.

Precariedad laboral
La era de la precariedad cool

Pobres, 
lo que se dice pobres, 
son los que no tienen tiempo para perder el tiempo. 
Eduardo Galeano.