Blog Salto de Carro
Onde importa grazas a ti

Hai uns meses lanzamos unha campaña que parecía unha serie de terror. Se estades a ler isto é porque a historia acabou ben, mellor do que era razoable esperar. Grazas por iso. Hoxe estamos nun momento distinto e moitas cousas cambiaron, poderíase dicir, sen esaxerar, que case todo, porque desde entón estamos inmersas nun proceso de cambio que fará do Salto un proxecto moito máis útil, sólido e resistente. Desde xaneiro -moitas xa o notariades- cambiamos a nosa revista, que pasou a ser trimestral, con máis páxinas, máis seccións, contidos máis coidados e unha imaxe renovada. Esa renovación da revista levaba asociada unha actualización da web, a nosa ferramenta con máis impacto e visibilidade. Desde mediados de marzo lanzouse a revisión completa que fixemos e que culminou cun deseño web máis limpo, un sistema de maquetación mellorado e unha flexibilidade que nos permite adaptar a portada e todo o resto da páxina de inicio ás necesidades de cada momento.

Non adoitamos falar moito disto, pero tantas mudanzas na cara visible do proxecto e o aumento de subscricións obrigáronnos -e xa facía falla- a mellorar o noso sistema de xestión interna. É decir, todas esas tarefas invisibles sen as cales as revistas non chegan ás casas, as noticias non se poden publicar e as luces non se acenden. Agora temos un sistema de xestión de subscricións intuitivo e fácil de usar -que xa é moito máis que o que tiñamos- e un programa de administración, contabilidade, fiscalidade e loxística integrado, modular e de software libre que grazas a certos automatismos descargou peso das costas da área de administración.

Fixemos grandes cambios estruturais e agora dispoñémonos a ampliar o persoal, mellorar as condicións salariais das persoas que traballamos no proxecto e outros plans a medio prazo

Ata aquí os grandes cambios estruturais que fixemos ou estamos a terminar de facer. Mais unha vez que temos todo iso pronto, temos que comezar a sacarlle proveito...como? enchéndoo de contidos interesantes, útiles, transformadores, é dicir, o mesmo de sempre, pero mellor.

Para comezar, imos ampliar o noso persoal das edicións territoriais no Salto Andalucía e no Salto Madrid (vai chegar o noso día, precisamos ser máis subscritoras), e tamén contrataremos a dúas persoas máis, unha para a área de vídeo e outra para promoción. No apartado laboral melloramos, sempre de forma insuficiente, as condicións salariais de todo o persoal, un persoal no que non hai nin xefes, nin xefas, nin xerarquías e todas cobramos o mesmo. Ademais, a partir de maio, O Salto Radio vai empezar a emitir 24 horas ao día, cunha grella moito máis completa, programas novos e algúns clásicos. E temos máis plans a medio prazo: un proxecto de edición de libros, máis formación ou melloras para as socias, das que informaremos máis adiante.

E todo isto para que? pois para o de sempre pero mellor: para ter máis incidencia, para poder informar das cousas que outros medios non informan porque non poden ou porque non queren, para seguir sen receber publicidade do Ibex35 ou publicidade electoral, sen contidos patrocinados e para seguir facendo un xornalismo situado ao carón da xente, onde realmente importa, pase o que pase. Como xa sabes, en maio hai eleccións municipais. Son unhas eleccións importantes que van marcar a pauta para as xerais de final de ano. Desde O Salto queremos facer unha aposta informativa forte, unha cobertura especial que poderás seguir na nosa web e nas nosas redes e onde apostaremos por novos formatos en vídeo e na nosa canle de Twitch, entre outras cousas.

Para que toda esta aposta sexa sostible a medio e longo prazo marcámonos un obxectivo moi ambicioso: chegar ás 10.000 subscricións

Mais para que toda esta aposta sexa sostible a medio e longo prazo temos que seguir ampliando a nosa base de subscritoras e lectoras, é dicir, necesitamos unha vez máis o apoio da nosa comunidade, de todas as persoas que xa nos acompañades. Esta vez pretendemos acadar un obxectivo moi ambicioso, chegar ás 10.000 subscricións. Iso permitiríanos finalizar todos os cambios que xa vos contamos e consolidar as apostas que fixemos.

Por iso pedímosche varias cousas, primeiro que nos leas, que nos vexas en Twicth e Youtube e nos escoites na Radio, iso sempre será gratuíto e aberto para todas. Tamén podes axudarnos a difundir os nosos contidos alá onde creas que poden ser útiles. Se podes, e aínda non o fixeches, que fagas unha subscrición e se xa estás subscrito que mellores o teu tipo de subscrición ou lle regales unha subscrición a alguén próximo. Por riba, coa túa subscrición anual e domiciliada léevas unha bandeirola reivindicativa e decorativa.

Para poder seguir estando onde importa, onde máis falta fai, onde máis lles doe, pase o que pase.